اسلام آباد ۔ 22 جولائی (اے پی پی) مزن وزیر عمران خان ءَ گوشت کہ گیس ءِ لمیٹڈ ریسورسز ءِ سبب ءَ چہ ودی بوتگیں جاورھال ھاسکر باندات ءِ سرا چم ایر کنان ءَ زوتیں وڈ ءَ مچ منصوبگ بندی ءِ ضلورت انت۔گیس ءِ ہمگرنچیں معاملہانی سیادی کجام شوبگ یا دمگ ءَ گوں نیست انت بلکہ سرجمیں ملک ءِ معاملہ انت، اے دراھیں معاملہ ملکی مفادات کونسل ءِ دیما ایر کنگ بنت۔ اے ھیالانی درشان آہاں چار شمبے ءَ گیس ءِ شوبگ ءِ باروا ہمگرنچیں معاملہانی ھوالہ چہ دیوان ءِ سروکی کنان ءَ کتگ انت۔دیوان ءِ تہ بنجاہی وزیراں پرویز خٹک، سید شبلی فراز، ڈاکٹر فہمیدہ مرزا، اسد عمر، عمرایوب خان، ھاسیں کمکاراں ندیم بابر ءُ ڈاکٹر شہباز گل ھم ساڑی اتنت۔دیوان ءِ تہ ملک ءِ گیس ءِ ڈٛمانڈ ءُ سپلائی ،گیس ءِ انفراسٹرکچر،گیس ءِ تک ءِ تہ دیم چیلنجز ءُ باندات ءِ ضلورتاں ءَ چماں ایر کنان ءَ لائحہ عمل ءِ ھوالہ چہ سرجمیں ھیال ریچی کنگ بوتگ۔ ھاسیں کمکار ندیم بابر ءَ ملکی تبک ءِ سرا گیس ءِ پیداوار، ملکی لوٹ، امپورٹ کتگیں گیسءِ کساس ،نہاد ءُ باندات ءِ ضلورت ءَ را چماں ایر کنان ءَ ڈیمانڈ ءُ سپلائی ءِ اسٹیمیٹ سرا سرجمیں بریفنگ داتگ۔مزن وزیر عمران خان ءَ دیوان ءَ گوں تران کنان ءَ گوشت کہ گیس ءِ تک ءِ تہ یک نیمگا گیش بوتگیں گسی ءُ صنعتی شوبگ ءِ ضلورت ءُ دومی نیمگا چہ اَستیں گیس ءِ لمیٹڈ ریسورسزءِ سبب ودی بوتگیں جاورھال ھاسکر باندات ءِ جاورھال ءَ چماں ایر کنان ءَ مچ ءِ منصوبگ بندی ءِ ضلورت انت۔آہاں گوشتکہ گیس چہ ہمگرنچییں معاملہانی سیادی کسے یک صوبگ یا دمگ ءَ چہ نیست انت بلکہ دراھیں ملک ءِ معاملہ انت۔اے ھاترا ضلورت اے گپ انت کہ گیس چہ ہمگرنچیں معاملہانی سرا وت مہ وتی شئور ءُ صلاح ءَ چہ باندات ءِ تہ پلان جوڈ دیگ بیت۔مزن وزیر ءَ ھاسیں کمکار ندیم بابر ءَ را کڈنی داتگ کہ گیس ءِ تک ءَ چہ ہمگرنچیں دراھیں راستی یکجاھیں نپ ءُ سیت کونسل ءِ دیما ایر کنگ بنت۔ ایشی ءِ ھوار شوبگ ءِ نامداریں زانتکاراں گوں شئور ءُ صلاح ءِ کار بندات کنگ بیت تنکہ گیس چہ ہمگرنچیں معاملہانی سوگو ءِ حل پولگ بیت۔
