اسلام آباد۔ 22 جولائی (اے پی پی) متحدہ عرب امارات (یو اے ای) نا وزیر خارجہ شیخ عبداللہ بن زاید آل نہیان تینا پاکستانی ہم منصب مخدوم شاہ محمود قریشی تون چارشنبے نادے آ ٹیل فونک رابطہ کرے۔ گپ وتران اٹی کورونا نا دَینی حالیت آتیا گپ وتران کننگا۔ ترجمان دفترخارجہ نا رداٹ اماراتی وزیر خارجہ شاہ محمود قریشی ءِ پارے کہ نا ناجوڑی نا بنگُٹ کنے بھاز گڑتی مس۔ …
متحدہ عرب امارات نا وزیر خارجہ شیخ عبداللہ بن زاید آل نہیان نا تینا پاکستانی ہم منصب مخدوم شاہ محمود قریشی ءِ ٹیل فون، کورونا نا دَینی حالیت آتیا گپ وتران
گیشتریں ھال
اسلام آباد۔ 22 جولائی (اے پی پی) متحدہ عرب امارات (یو اے ای) نا وزیر خارجہ شیخ عبداللہ بن زاید آل نہیان تینا پاکستانی ہم منصب مخدوم شاہ محمود قریشی تون چارشنبے نادے آ ٹیل فونک رابطہ کرے۔ گپ وتران اٹی کورونا نا دَینی حالیت آتیا گپ وتران کننگا۔ ترجمان دفترخارجہ نا رداٹ اماراتی وزیر خارجہ شاہ محمود قریشی ءِ پارے کہ نا ناجوڑی نا بنگُٹ کنے بھاز گڑتی مس۔ کنے خوشی ءِ کہ نی دراخ جوڑ اُس و ای نا توار ءِ بِننگ نا متمنی ئسٹ۔ وزیر خارجہ تینا ناجوڑی ٹی اماراتی وزیر خارجہ نا کنڈآن دُعا و نیک است خواہی تا درشانی آ اونا منت واری ءِ ہرفے و متحدہ عرب امارات اٹ کوروناوائرس نا مون ءِ توننگ کن کروک آ حکومتی کوشست آتا ستاءِ کرے۔ وزیر خارجہ تینا اماراتی ہم منصب ءِ پاکستان اٹ کوروناوائرس نا تالانی ءِ توننگ کن کروک آ گام گیج آتیان ہم معلومدار کرے۔ وزیر خارجہ کورونا دین اٹی متحدہ عرب امارات نا کنڈآن چندی ملک خاص وڑاٹ پاکستان کن طبی کمکاری نا فراوانی آ اماراتی وزیر خارجہ نا خصوصی منت واری ءِ ہرفے۔ وزیر خارجہ متحدہ عرب امارات نا کنڈآن مریخ کن گدریفوک آ اولیکو خلائی مشن آ اماراتی وزیر خارجہ ءِ مبارکباد ترسا اودے بھلو سرسہبی اس گوندا۔ اماراتی وزیر خارجہ پارے کہ متحدہ عرب امارات، جہانی کمک اتون’’ کورونا ویکسین‘‘ نا تیاری ٹی لگوک ءِ و انشاء اللہ نن داچرجوئی ٹی زوت سرسہبی کن پراومیت اُن۔ ہڑتوم آ وزیر خارجہ غاک حالیت آتا مست آنبار مننگ آن پد زوت اوڑدہی آ امنا کریر۔
