اسلام آباد۔ 22 جولائی (اے پی پی) یورپی یونین پاکستان نا ماحولیاتی بشخ اٹ زرکاری ٹی ودکی نا است خواہی نا درشانی ءِ کرینے۔ ریڈیو پاکستان نا رداٹ داخیال آتا درشانی ءِ یورپی یونین نا پاکستان نا دورہ غا بروک آ ڈل ماحولیاتی بدلی نا بابت وزیراعظم نا سلاہکار ملک امین اسلم تون اوڑدہی ٹی کرے۔ داوخت آ کڑدہ غاک زرکاری و روزگار نا وارخواہی تا فراوانی نا کمک اٹ ماحول دوست زرگزران نا بحالی نا بابت ہڑتوم آ کنڈآتا کمکاری نا باندات آتیا گپ وتران کریر۔ اوماحولیاتی رکھ، موسمیاتی بدلی، جنگل آتا رقبہ ٹی ودکی، فضائی کچٹی و دیر ءِ کوڑی کننگ نا باندات آتیا ہم ہیت وگپ کریر۔ یورپی یونین نا ڈل تحریک انصاف نا حکومت نا ساف و سرسوز پاکستان ڈٹ انا ہم ستاءِ کریر۔ ملک امین اسلم تدوک آ اِراسال اٹی ماحولیاتی رکھ اکن ساف و سرسوز پاکستان نا گام گیج آتیٹی یورپی یونین نا اوار مننگ نا ستاءِ کرے۔
