اسلام آباد۔ 22 جولائی (اے پی پی) نیشنل ڈیزاسٹرمینجمنٹ اتھارٹی نا کنڈآن صوبہ غاتے طبی عملہ کن کورونا نا بابت رکھی گڑاتا یانزدہ می کھیپ انا فراوانی نا رداٹ صوبہ سندھ ءِ گڑامون تننگا۔ ترجمان این ڈی ایم اے نا رداٹ سندھ ءِ چندی وڑنا 3 لکھ 20 ہزار 426 فیس ماسک تننگا، دا ماسک آتیٹی این 95، کے این 95و سرجیکل ماسک اوار ءُ۔ سندھ ءِ اسہ لکھ 46 ہزار 972 رکھی سوٹ و اسہ لکھ 85 ہزار 447 میڈیکل گاؤن ہم تننگا۔ ترجمان پارے کہ 2 لکھ 20 ہزار 93 جوڑا سرجیکل دستانہ و 34 ہزار 688سرجیکل کیپ ہم تننگا۔ داکان بیدس اسہ لکھ 40 ہزار رکھی عینک و 25 ہزار 468فیس شیلڈ ہم گڑاتیٹی اوار ءِ۔ سندھ ءِ 20 ہزار 289 شوز کور و 3ہزار 797پلاسٹک بوٹ ہم تننگانے۔ ترجمان نا رداٹ پنجاب، آزاد کشمیر و جی بی ءِ ہم ڈاکٹر و میڈیکل اسٹاف کن رکھی گڑاتا فراوانی برجاءِ۔
