اسلام آباد۔ 22 جولائی (اے پی پی) بنجائی حکومت تربیلا ڈیم آن جاڑ انگا شارتیٹی دیر انا کمتی ءِ پورو کننگ کن و کنوئی آ ساف دیر انا فراوانی کن اینخو مالی سال 2020-21ء نا بجٹ نا سرکاری بشخ انا شونداری پروگرام (پی ایس ڈی پی) ٹی 400 ملین روپئی جتا کرینے۔ وزارت داخلہ نا کمامدارآتا رداٹ داخلہ ڈویژن نا جاڑانگا شارتیٹی دیر انا فراوانی نا پوسکن آ ڈٹ تربیلا ڈیم آن اسلام آباد و راولپنڈی کن دیر انا فراوانی نا ڈٹ اکن 400 ملین روپئی جتا کننگانے وخت اس کہ ڈٹ انا جوڑ کننگ آ جم خڑچ 1248.110 روپئی خلکونے وخت اس کہ تدوک آ مالی سال 2019-20ء نا بجٹ اٹ ہندا ڈٹ انا فزیبلٹی رپورٹ(پی سی ون) اکن اِرا ارب روپئی جتا کننگاسس۔ حکومت نا کنڈآن جاڑ انگا شارتیکن دیر انا فراوانی نا ڈٹ اکن شونداری فنڈ جتا کننگ نا ستاءِ کرسا پارینے کہ دا ڈٹ آن جاڑ انگا شارتا الس نا کنوئی آ دیر انا فراوانی نا متکن آ ویل ایسر مریک۔
