سعودی عرب اٹ جہانی جہاز آتا بحالی کن داسکان خاص ءُ تاریخ اس پک کننگتنے، سول ایوی ایشن اتھارٹی

ریاض۔ 22 جولائی (اے پی پی) سعودی عرب نا سول ایوی ایشن اتھارٹی نا پاننگ ءِ کہ سعودی عرب اٹ جہانی جہاز آتا بحالی کن داسکان ہچ ءُ خاص ءُ تاریخ اس پک کننگتنے۔ عرب میڈیا نا رداٹ سعودی عرب سعودی عرب نا جنرل سول ایوی ایشن اتھارٹی، جی اے سی اے، تینا ٹویٹر کلہو اٹی پارینے کہ جہانی جہاز آتا بحالی کن داسکان خاص ءُ تاریخ اس پک کننگتنے۔ اومستی پارے کہ جہانی جہاز آتا بحالی نا فیصلہ سعودی مجاز کمامدارآتا سلابت نا بنداو آ ہلنگک۔ یات سلے کہ سعودی عرب کوروناوائرس نا تالانی ءِ کم کننگ کن مارچ انا نیام اٹی جہانی جہاز آتے معطل کریسس۔