صوبہ نا پرامن حالیت آتے اسُل لتاڑنگ کن الیپنہ، گورنر بلوچستان امان اللہ خان یاسین زئی نا تربت اٹ بمب دھماکہ نا مذمت

کوئٹہ۔ 21 جولائی (اے پی پی) گورنر بلوچستان امان اللہ خان یاسین زئی تربت نا علاقہ کیچ اٹی بمب دھماکہ نا ترند انگا لوز آتیٹی مذمت ءِ کرے۔ گورنر بلوچستان تینا اسہ مذمتی بیان اسے ٹی پارے کہ بلوچستان اٹی سیکورٹی ادارہ غاتا قربانی تیان پد امن و ایمنی نا حالیت آک بھاز جوان مسنو، و داسہ نن صوبہ نا پرامن حالیت آتے اسُل لتاڑنگ کن الیپنہ، اوکانود نافذ کروک آ ادارہ غاتیا زور شاغاکہ او راج اٹ خوف و بھیم تالان کننگ، ملکیت آتے نسخان تننگ و دہشت گردی نا واقعہ ٹی اوار زموار آتے زوت آن زوت دزگیر کرسا اوفتے اوفتا کروک نا سزا تننگے، گورنر بلوچستان دھماکہ ٹی شہید مروک آنا بخشش و ٹھپی تا زوت دراخ جوڑی کن دعا کرے۔