کوئٹہ۔ 21 جولائی (اے پی پی) وزیراعلیٰ بلوچستان جام کمال خان نا تربت بمب دھماکہ نا ترند انگا لوز آتیٹی مذمت، دہشت گردی نا واقعہ ٹی نہادی انسانی جان نا زیان آ است ہسونی نا درشانی ءِ کرے، وزیراعلیٰ سیکرٹریٹ آن جاری کروک بیان نا رداٹ وزیراعلیٰ بلوچستان میر جام کمال خان پارے کہ ناپاک مسخت آتا دوئی کننگ کن بے گناہ مخلوق نا دترتے وہیفوک آک سخت سزانا حقدار ءُ، اوپارے کہ ملک دشمن آتا ایجنڈاءِ سرسہب مننگ کن الیپنہ، بلوچستان اٹی شونداری و امن نا عمل ہرحال اٹ برجاسلک، گڑاس زموار تینا جند انا فائدہ غاتا دوئی کننگ کن بدامنی ودی کرسا بلوچستان ءِ پدسلنگ خوارہ بلوچستان نامحب وطن الس نا کمک اٹ سیکورٹی فورس آک دہشت گرد آتے اوفتے اوفتا کروک نا سزاتننگ کن سنبرینگوک و متحرک ءُ۔ وزیراعلیٰ پارت کرے کہ ٹھپی تے درمان نا گچین آسراتی فراوان کننگے و پولیس و سیکورٹی ادارہ غاک رکھی گام گیج آتے پین گچین کیر۔ دہشت گرد و اوفتا سرپرست آتا برخلاف پبی کارروائی کننگے۔
