کوئٹہ۔ 21 جولائی (اے پی پی) صوبائی وزیر داخلہ میر ضیاء اللہ لانگو ضلع کیچ تربت اٹ بمب دھماکہ نا ترند انگا لوز آتیٹی مذمت ءِ کرسا پارینے کہ اونا غٹ ہمدردیک بمب دھماکہ ٹی شہید و ٹھپی مروک آ بندغ آتا خاہوت آتون ءُ، اوڈپٹی کمشنر ءِ پارت کرے کہ بمب دھماکہ ٹی ٹھپی مروک آ بندغ آتا طبی امداد اٹ کمتی بف، صوبائی وزیر داخلہ نا کنڈآن دھماکہ نا رپورٹ ءِ دمدستی وڑاٹ بٹنگ انگا، صوبہ ٹی بدامنی تالان کننگ نا ہرچم ءِ بے سہب کینہ۔ سیکورٹی فورس و کانود نافذ کروک آ ادارہ غاتے شار انا ہن و برکسرآتا سیکورٹی ءِ سخت کننگ ناپارت،کودک و بے گناہ شاری تے شست کننگ انسانیت اس اف دہشت گردی نا برخلاف جنگ فیصلہ کن ءُ، پاک فوج، سیکورٹی فورس و کانود نافذ کروک آ ادارہ غاک دہشت گرد مخ انا ملی ءِ پرغانو۔
