کوئٹہ۔ 21 جولائی (اے پی پی) بلوچستان نا علاقہ تربت بازار اٹی بمب دھماکہ، اسہ بندغ اس زوال وخت اس کہ 6 بندغ ٹھپی مسر، سرکاری حوالی نا رداٹ سے شنبے نادے آ تربت بازار اٹی اناگت اسہ زوردار ءُ دھماکہ اس مس ہراٹی امجد زوال کرے وخت اس کہ محمدسلیم، عبید، سبحا، نسیم، سلیمان و شاہ مرید ٹھپی مسر، پولیس و سیکورٹی فورس آتے حوال ملنگ تون واقعہ نا جاگہ غا سرمرسا لاش و ٹھپی تے دمدستی وڑاٹ ڈی ایچ کیو تربت ہسپتال آ گدریفیر ہراڑے ٹھپی تے طبی امداد تننگ انگ ءِ۔ دھماکہ غان آٹوشاپ ءِ بھاز نسخان رسینگانے، پولیس و سیکورٹی فورس آک علاقہ نا ناکہ بندی ءِ کرسا دوبہ دار آتا پٹنگ نا بناءِ کرینو و دھماکہ خیز مواد آک موٹرسائیکل اسے ٹی تخوک ئسر،مستی جاست وپاست برجاءِ۔
