اسلام آباد۔ 21 جولائی (اے پی پی) بنجائی حکومت اینخو مالی سال 2020-21ء نا بجٹ نا سرکاری بشخ انا شونداری پروگرام (پی ایس ڈی پی) نا رداٹ مواصلات ڈویژن نا ماتحت ادارہ نیشنل ہائی وے اتھارٹی نا خیبر پختونخوانا قبائلی ضلع غاتا اِرا پوسکن آ ڈٹ مالاکنڈ ٹنل نا تفنگ و خیبر پاس اکنامک کوریڈور ڈٹ آتیکن جم وڑاٹ 2500 ملین روپئی جتا کرینے۔ این ایچ اے نا کمامدارآتارداٹ نیشنل ہائی وے اتھارٹی نا خیبر پختونخوانا قبائلی ضلع غاتیٹی اِرا پوسکن آ ڈٹ ہرافتے ٹی مالاکنڈ ٹنل نا تفنگ کن 1000 ملین روپئی اینخو مالی سال 2020-21ء نا بجٹ اٹ جتا کرینے وخت اس کہ ڈٹ انا تفنگ آ جم وڑاٹ 16554ملین روپئی نا کساس ءِ خلنگانے۔ خیبرپاس اکنامک کوریڈور ڈٹ اکن 1500 ملین روپئی جتا کننگانے وخت اس کہ ڈٹ انا تفنگ آ جم وڑاٹ 77912 ملین روپئی کساس خلنگانے داہڑتوم آڈٹ آتیکن کل جم وڑاٹ 94466ملین روپئی نا کساس ءِ خلنگانے۔
