اسلام آباد۔ 21 جولائی (اے پی پی) وزیراعظم ڈویلپمنٹ پروگرام نا رداٹ بنجائی حکومت سندھ انا چندی ضلع غاتیٹی شونداری ڈٹ و جان جوڑی نا بنداوی ہند آتیکن اینخو مالی سال 2020-21ء نارداٹ کابینہ ڈویژن نا چندی ڈٹ آتیکن 3565.684ملین روپئی جتا کرینے۔ کابینہ ڈویژن نا کمامدارآتارداٹ بنجائی حکومت صوبہ سندھ انا چندی ضلع غاتیٹی وزیراعظم ڈویلپمنٹ پروگرام نا پوسکن آ ڈٹ آتیکن فنڈ جتا کرینے دا ڈٹ آتیٹی شہید بینظیر آباد، لاڑکانہ و سکھر نا چندی ڈٹ آتے کن اینخو مالی سال انا سرکاری بشخ انا شونداری پروگرام اٹی 1886.243ملین نا پوسکن ءُ ڈٹ انافنڈ جتا کرینے وخت اس کہ حیدر آباد و میر پور خاص ڈویژن نا چندی شونداری ڈٹ آتیکن 1373.441ملین روپئی جتا کرینے و ہنداوڑ سندھ انا چندی ضلع غاتیٹی جان جوڑی نا بنداوی ہندآتیکن 306 ملین روپئی جتا کرینے وخت اس کہ وزیراعظم ڈویلپمنٹ پروگرام نا رداٹ چندی شونداری ڈٹ آتیکن جم وڑاٹ 3565.684ملین روپئی جتا کننگانے۔
