اسلام آباد۔ 21 جولائی (اے پی پی) وزیراعظم نا خصوصی کمکار امور نوجوانان عثمان ڈار کورونا نا برخلاف جنگ اٹ پی ایم ٹائیگر فورس انا جوزہ، نرزوری و منشاکارانہ وڑاٹ بشخ ہلنگ نا ستاءِ کرینے۔ نجی نیوز چینل تون گپ وتران کرسا اوپارے کہ پی ایم ٹائیگر فورس انا ہر ورنادامشن کن تینا جتا وڑتے اٹ تینا چاہنداری و وسیلہ غاتون بشخ ءِ شاغنگ ءِ و منشاکار فورس کورونا وائرس نا ایس او پی تا نافذ کننگ اٹ تینا اہم کڑد ءِ خذمت نا وڑاٹ ادا کننگ ءِ۔ اوپارے کہ دہ لکھ آن زیات ورناوزیراعظم عمران خان نا کال آ ٹائیگر فورس اٹ بشخ ہلکونو۔ اوپارے کہ حکومت بھلاعئید آن دمدستی پد ٹائیگر فورس ڈے ءِ اڈتننگ نا فیصلہ کرینے و منشاکار تا پین کچ ءِ ودفنگ کن عئید آن پد ٹائیگر فورس انا رجسٹریشن ءِ دوارہ ملنگک۔ عثمان ڈار پارے کہ ٹائیگر فورس انا منشاکار آک ہم مچ آ ملک اٹی درخت خلنگ نا مہم اٹ بشخ ہلیرہ۔ اوپارے کہ ٹائیگر فورس مچ آ پاکستان اٹی حکومت نا شجرکاری مہم اٹ ضلعی انتظامیہ و ایلو تعلقدار ادارہ غاتا کمک ءِ کیک۔ خصوصی کمکار پارے کہ ٹائیگر فورس انا منشاکارآک مچ آ ملک اٹی کوروناوائرس نا ہلہلہ ئی حالیت آتیٹی بے مٹ خذمت سرتسنوو منشاکار فورس کوروناوائرس نا بابت ایس او پی تا نافذ کننگ اٹ تینا اہم کڑد ءِ خذمت نا وڑاٹ ادا کننگ ءِ اواپوزیشن نا کنڈآ چکارکرفسا پارے کہ ٹائیگر فورس انا سیاست تون ہچ ءُ تعلق اس اف و اپوزیشن ہر باندات اٹی خامی پٹنگ ءِ ہلے و حکومت تون ہم کوپہ کورونا نا برخلاف جنگ اٹ تینا کڑد ءِ اداکے۔
