اسلام آباد ۔ 21 جولائی (اے پی پی) بنجاھی کابینہ ءَ منی لانڈرنگ ءُ ٹیررفنانسنگ ءِ گر ءُ دار ءِ واستہ اینٹی منی لانڈرنگ مٹ ءُ بدلی بل، ناشرکاری ءِ ایکٹ 1997 ءِ تہ ءَ استیں مٹ ءُ بدلی، فوجداری کانود آنی تہ ءَ مٹ ءُ بدلی، سنگل ٹریژری بینک اکائونٹ ءِ کار رھبند آںی تہ ءَ مٹ ءُ بدلی ءُ نیشنل ہیلتھ ایمرجنیس ریسپانڈ ایکٹ ءِ منظوری داتگ، نیشنل ہیلتھ ایمرجنسی ریسپانڈ ایکٹ ءِ مول ءُ مراد کجام ھم قدرتی توپان ءُ آفت ءِ رد ءَ بنجاھ ءُ صوبگ وت مہ نزیکی کنگ، بنجاھی کابینہ ءَ پی ٹی وی لائسنس فیس 35 کلدار ءَ چہ گیش کنان ءَ 100 کلدار کنگ ءِ شور ءُ مشور کنگ ءَ پیسلہ آیوکیں دیوان ءَ تاں مھتل دارگ بوتگ۔ مزن وزیر عمران کان ءِ وژن ءِ رد ءَ اولی رنگ ءَ ھاسیں کمکار آں ھم وتی وتی مڈی آناں سہرا کتگ۔ مزن وزیر ءَ پکوئیں پنت ءُ شون کتگ کہ گندم ءُ آرت ءِ دستیابی ءُ پجاری ءِ تہ ءَ کمیگ ءُ پینگ مہ بیت۔ سئے شمبے ءَ بنجاھی وزیر اھوالکاری ءُ شنگ کاری سینیٹر شبلی فراز ءَ مزن وزیر عمران خان ءِ سروکی ءَ بنجاھی کابینہ ءِ دیوان ءَ چہ پد میڈیا ءَ را بریفنگ دیان ءَ کت ءُ گوشت کہ ٹی وی لائسنس فیس 35 ءَ چہ گیش کناں ءَ 100 کلدار کنگ ءِ شور ءُ مشور کنگ بوتگ، پی ٹی وی ءِ نوک سر جوڑیشت ءِ منظوری کنگ بوتگ ءُ پی ٹی وی جیڈھ آناں گیوار ءُ شر کنگ ءِ واستہ لائسنس فیس گیش وینگ ءِ شور ءُ مشور دیگ بوتگ، جتا جتائیں لیکہ دیم ءَ سہرا بوھگ ءِ پد ءَ پی ٹی وی لائسنس فیس گیش کنگ ءِ جیڈھ آیوکیں ھپتگ ءَ تاں مھتل کنگ بوتگ۔ آئی ءَ گوشت کہ پی ٹی وی ءِ جوانیں راجپتر ات، اے رنگیں ادارگ شرپ ءِ چیدگ بوتگ انت بلے پیپلز پارٹی ءُ مسلم لیگ (ن) ءَ ریاستی ادارگ آنی تہءَ نہ وشیں جاور ءُ میرٹ ءِ ھلاپ ءَ بھرتی کتگ ءُ ادارگ آناں ڈگار جتگ ھرکجام ادارگ ءَ بچار ات گڈا ھمے ھال انت۔ استیں حکومت ءَ پی ٹی وی ، سٹیل مل ءَ ھوار توامیں ادارگ آناں دوارگ وتی پاد آنی سر ءَ اوشتارینتگ چیا کہ اے ادارگ ریاست ءِ نماھندگی ءَ کناں۔ آئی ءَ گوشت کہ بنجاھی کابینہ ءَ مزن وزیر عمران خان ءِ وتی کابینہ ءِ تہ ءَ ھواریں کمکار آںی وتی مڈی آنی سہرا کنگ ءِ پیسلہ ءَ را ھم ساڑات۔ آئی ءَ گوشت کہ نیب ءِ ھلاپ ءَ تران کنوک وتی دور ءِ حکومت ءَ راجی ادارگ آناں تباہ کتگ، آمید گس ءَ برئی بوھوک نیب ءِ سر ءَ ایراد گروک ، سٹیل مل، پی ٹی وتی، پی آئی اے ءَ ھوار توامیں ادارگ آناں تباہ ایش کتگ ءُ ھمے مردم آں وتی دور ءُ باریگ ءَ حکومت ءِ نیب ءَ را سیاسی مول ءُ مراد آنی ھاترا کارمرد کتگ۔ ھمزوریں پراسیکیوشن ءَ چہ آمید گس ءَ برئی بوھوک فرشتہ جوڑ نہ بنت۔
