راولپنڈی۔ 21 جولائی (اے پی پی) پاک ارد ءِ سروک جنرل قمر جاوید باجوہ ءَ گوشت کہ پاکستان ءِ سیکورٹی ءِ استیں بیم آناں پسو جوانی ءَ کنگ بیت، کورونا وائرس ءِ ھوپ ءِ ساھت ءَ مزنیں ائید ءُ محرم الحرام ءِ ساھت ءَ گیشاں چہ گیش ایس او پیز آنی پد ءُ رند کنگ ءَ ضلورت انت، ھوپ ءِ ھلاپ ءَ کامیاتی آناں پھریزگی کار آنی وتی کنگ ءَ گوں بوت کنت۔ پاک ارد ءِ شوبگ (آئی ایس پی آر) ءِ رد ءَ پاک ارد ءِ سروک جنرل قمر جاوید باجوہ ءِ سروکی ءَ 233 کور کمانڈر کانفرنس جی ای ایچ کیو راولپنڈی ءَ برجم دارگ بوت۔ کورکمانڈر کانفرنس ءِ ساھت ءَ ملک ءِ توکی ءُ ڈنی سیکورٹی ءِ رد ءَ آپریشنل تیاری آنی سر ءَ چار ءُ بچار کنگ بوت وھدیکہ پڑ ے سیکورٹی ءِ جاور ھال آنی سر ءَ پاک ارد ءِ سروک جنرل قمر جاوید باجوہہ ءَ توامیں فارمیشنز آنی تیاری ءَ را ساڑات۔ کور کمانڈرز کانفرنس ءِ ساھت ءَ مقبوضہ کشمیر ءَ جاڑیگیں بھارتی ظلم آنی سر ءَ چار ءُ تپاسی گرگ بوت۔ کور کمانڈ کمانڈرز ءَ کشمیر ی آنی جہد ءُ آزاتی ءَ را توسیپ ءُ ستا پیش کت۔آیوکیں ماہ ءِ اگست ءَ بھارتی ظلم ءُ گیر کانودی گامگیج ءَ را یک سال ءِ سرجم بیت۔ آرمی چیف جنرل قمر جاوید باجوہ ءَ مد گ ءُ کورونا وائرس ءِ ھلاپ ءَ سول انتظامیہ ءِ کمک ءَ کنگ ءِ سر ءَ فارمیشنز آنی کمک ءَ را ساڑات۔ آرمی چیف ءَ کورونا ھوپ ءِ ھلاپ ءَ جنگ ءَ سول انتظامیہ ءِ کمک کنگ ءِ کوشست ءَ را ھم ساڑات وھدیکہ کمانڈرز آں سرجمیں ملک ءِ ڈاکٹر ءُ جان سلامتی کارندہ آنی کوشست آناں ساڑات۔ پاک ارد ءِ سروک جنرل قمر جاوید باجوہ ءَ کور کمانڈر کانفرنس ءِ ساھت ءَ گشتانک دیان ءَ گوشت کہ پاکستان ءِ سیکورٹی ءَ را استیں جیڈھ ءُ بیم آناں جوانی ءَ گوں پسو کنگ بیت۔
