اسلام آباد ۔ 21 جولائی (اے پی پی) بنجاھی وزیر توکی کار بریگیڈیئر (ر) اعجاز احمد شاہ ءَ تربت ءَ بوھوکیں تراک ءَ را ایراد گپتگ، تراک ءَ چہ بوھوکیں جانی تاوان ءِ سر ءَ گرانیں ڈکھ ءُ اندوھ ءِ درشان کتگ۔ وزارت ءِ توکی کار ءِ نیمگ ءَ جاڑی بوتگیں بیان ءِ رد ءَ آئی ءَ ٹپیگ آنی زوت جان سلامتی ءِ واستہ دعا کتگ۔ آئی ءَ گوشتگ کہ اے رنگیں واکیہ ءَ گوں ملک ءِ دژمن دست مانجن انت ءُ ترندیں سزا ءِ لائک انت۔ اعجاز احمد شاہ ءَ گوشت کہ ملک ءَ ایمنی ءُ گہتری ملک ءِ دژمن آناں وش نہ بوھگ ءَ انت۔ آئی ءَ گوشت کہ ناشر کار آناں بھ کامیات بوھگ نیلاں۔
