اسلام آباد ۔ 20 جولائی (اے پی پی) بنجاہی وزیر ھالرسانی ءُ شنگکاری سینیٹر شبلی فراز ءَ قبائلی دمگانی (فاٹا) ءِ گچینکاری ءَ را یک سال سرجم بوھگ سرا قبائلی مہلوک ءَ را مراد بات پیش کنان ءَ گوشت کہ پاکستان تحریک انصاف حکومت ءَ را پیسریگیں ( بنجاہ ءِ زیرانتطام قبائلی دمگاں)فاٹا ءَ را راجی دھارہ ءِ تہ عمل ءَ را ھاسیں ارزشت داتگ، قبائلی مہلوک ءَ را انصاف ءِ پھجارگ ءِ سسٹم ءَ را آسان، لیویز ءُ خاصہ دار فورس ءِ 28ہزار کارندہاں را پولیس ءِ تہ ضم کنگ بوتگ ، فاٹا سیکرٹریٹ ءَ را ھلاس کنان ءَ صوبائی حکومت ءِ دائرہ اختیار ءَ را گیش کنگ بوتگ۔ قبائلی ضلعہانی تہ دیمروئی ءِ ھاترا 10سال تاں سالینہ 100ارب کلدار دیگ بنت، فاٹا ءِ تہ جاور لس کنگ ، امن ءُ ایمنی ءِ قیام ءِ ھوار مہلوک ءَ را بنیاتی آسراتی پھجارگ ءِ ھاترا 80 درسد ٹارگٹ زرتگ انت، تمنی دمگانی مہلوک ءِ ءُ فوج ءَ بے پناہ قربانی دات ناشرکاری ءَ را بُن چہ پروشت داتگ۔ آں دوشمبے ءَ پی آئی ڈی ءِ تہ پریس کانفرنس ءَ گوں تران کنگ ات۔ بنجاہی وزیرسینیٹر شبلی فراز ءَ گوشت کہ تمنی دمگانی مہلوک ءِ پاکستان ءِ ھاترا لازوال قربانی داتگ انت، مزن وزیر عمران خان ءِ قبائلی دمگانی مہلوک ءَ گوں دلی سیادی انت، فاٹا ءِ انضمام ءِ مکسد قبائلی مہلوک ءَ را بروبر ءِ حق دیگ ات۔ آہاں گوشت کہ طے بوتگ ات کہ این ایف سی ایوارڈ ءَ چہ سئے درسد تمنی ضلعہاں را دیگ بیت۔امیت انت کہ سندھ حکومت اے درگت ءَ وتی بھر ءَ مان کن ایت۔ بنجاہی وزیر سینیٹر شبلی فراز ءَ گوشت کہ سینٹر شبلی فراز ءَ گوشت کہ حقداریں مردماں را جان سلامتی ءِ آسراتی ءِ پھجارگ ءِ ھاترا جان سلامتی ءِ آسراتی ءِ پھجارگ ءِ ھاتراصحت انصاف کارڈ ءِ برجاہی کتگ۔ قبائلی ضلعہانی تہ تعلیمی شوبگ ءِ دیمروئی ءِ سرا دلگوشی دیگ بوتگ انت، وسیلگ ءَ چہ زبہر نودربراں را وانگ ءُ زانگ ء پھجارگ ءِ ھاترا ھم گامگیج کتگ انت۔(ن۔ا۔ج)
