اسلام آباد۔ 20 جولائی (اے پی پی) حکومت عئید آن پد زوت ’’ٹائیگر فورس ڈے‘‘ ءِ اڈتننگ نا فیصلہ کرینے۔ ٹائیگر فورس منشاکار مچ آ ملک اٹی شجرکاری نا مہم اٹی بشخ ہلیرہ۔ منشاکار ورناک بشام نا شجرکاری مہم اٹی 1 کروڑ درخت خلیرہ۔ وزیراعظم عمران خان چارشنبے نادے آ ورناتیکن خصوصی ویڈیو کلہو اس ہم جاری کیک۔ وزیراعظم ورناتیان شجرکاری مہم اٹی بشخ ہلنگ نا خواست کیک۔ دوشنبے نادے آ جاری بیان نا رداٹ وزیراعظم نا خصوصی کمکار امور نوجوانان عثمان ڈار پارینے کہ ٹائیگر فورس منشاکار تا کچ ءِ ودفنگ کن رجسٹریشن ءِ دُوارہ بناکننگ نا فیصلہ کرینے۔ رجسٹریشن بروک آ منہ دے اٹی ایپلیکیشن نا کمک اٹ ملنگک، اوپارے کہ ورناک تیاری کیر، وزیراعظم پوسکن آ زمواری تا پڑو ءِ کننگ والا ءِ، ٹائیگر فورس کورونا دین اٹی زمواری تے جوان وڑاٹ پورو کرے۔ اوپارے کہ شاندار خذمت آتیا ورناتے خراج تحسین پیش کیوہ۔ ورناتے ملکی شونداری و شونہالی ٹی بشخ شاغنگ نا پبی موقع تننگ خوانہ۔ ورناک سیاسی وابستگی و نظریہ غاتیان ایڑترمرسا بیرہ ملک اکن سجفر۔
