اسلام آباد۔ 20 جولائی (اے پی پی) نیشنل کمانڈ اینڈ آپریشن سینٹر(این سی او سی) کورونا وائرس نا بابت تازہ انگا و پک حساب وکتاب ءِ جاری کرے، 2 لکھ 5 ہزار 929 کوروناوائرس ءِ شکست ترسا پورو دراخ جوڑ مسنو۔ این سی او سی نا رداٹ داوخت آ مچ آ ملک اٹی 53 ہزار 555 کورونا ایکٹو کیس ءُ۔ آزاد کشمیر و بلوچستان اٹی اسہ ناجوڑ اس ہم وینٹی لیٹر آ اف، تدوک آ 24 گھنٹہ ٹی 19 ہزار 108ٹیسٹ کرے ہرافتے ٹی 1587پوسکن ءُ مثبت کیس رپورٹ مسنے، پین 31 کورونا ناجوڑ کزیت کرینو، مچ آ ملک اٹی کورونا غان زوال کروک آتا کچ 5 ہزار 599 مس۔ تدوک آ 24 گھنٹہ ٹی مروک آ ٹیسٹ آتیٹی سندھ انا 7977، پنجاب نا 7024، کے پی کے نا 2275، اسلام آباد نا 1259، بلوچستان نا 194، گلگت بلتستان نا 102 و آزاد کشمیر نا 277 ٹیسٹ اوار ءُ۔ ملک انا چندی جاگہ غاتیٹی 298 ناجوڑ وینٹی لیٹر آٹی ءُ۔ داتم اسکان مچ آ ملک اٹی کورونا نا جم زہمی تا کچ 2 لکھ 65 ہزار 82 ءِ۔ ملک انا 733 ہسپتال آتیٹی 2541کورونا ناجوڑ درمان مننگ ءُ۔
