اسلام آباد۔ 20 جولائی (اے پی پی) وزیراعظم نا خصوصی کمکار حوالکاری و شینکاری و چیئرمین سی پیک اتھارٹی لیفٹیننٹ جنرل (ر) عاصم سلیم باجوہ پارینے کہ 4 ملین ڈالر نا زرکاری تدوک آ 10 دے تیٹی بسنے، حویلیاں آن تھاکوٹ روٹ جوڑ کننگانے ہرا زوت ملنگک، سی پیک نا اسہ جاگہ اس ہم کاریم سلتنے، گوادر اٹی 2400 ایکڑ آ انڈسٹریل زون ءِ ہراڑآ اولیکو 7 فیکٹری جوڑ مننگ ءُ۔ دوشنبے نادے آ کنوینر سینیٹر شیری رحمان نا کماشی ٹی سی پیک نا بابت خصوصی کمیٹی نا دیوان اس اڈ ہلک۔ کمیٹی ءِ عاصم سلیم باجوہ پارے کہ اقتصادی راہداری نا پوسکن آ دیکی روٹ آ کاریم برجاءِ۔ ہوشاب۔ آواران موٹروے آ کاریم زوت بناکیک، روڈ آتا تفنگ آن علاقہ ٹی شونداری نا پوسکن آ دور بناکیک۔ ایم ایل ون ڈٹ انا رداٹ ریلوے نا ٹرانسمیشن نظام ءِ بدل کننگک۔ اوپارے کہ کوہالہ نا 1120 میگاواٹ پروجیکٹ نا معاہدہ مسنے۔ ڈی آئی خان آن ژوب اسکان روڈ انا کاریم مننگ ءِ ہراڑآن اسلام آباد براہ راست ژوب اتون گنڈنگک۔ ایسٹ وے ایکسپریس وے آ کاریم مننگ ءِ، عاصم سلیم باجوہ پارے کہ گوادر اٹی سوشل سیکٹر اٹ ہسپتال و ووکیشنل سینٹر جوڑ کننگانے، ننا پلان ءِ کہ گوادر اٹ ہراتم ایئر پورٹ جوڑ مرے تو اونا غٹ کسرآک پورو مریر، عاصم سلیم پارے کہ وام آن زیات زرکاری آ زور ءِ، عاصم سلیم باجوہ کمیٹی ءِ پارے کہ ایم ایل ون ڈٹ انا رداٹ ریلوائی نا ٹرانسمیشن سسٹم ءِ بدل کننگک، اہم روڈ آتیان ریلوائی آ شفٹ مریرہ تو نظام جوان مریک۔ اوپارے کہ رشکئی ٹی اسہ ہزار ایکڑ آ اقتصادی زون جوڑ کننگ انگ ءِ، خیرپاس اقتصادی لنک جوڑ مننگ ءِ۔ عاصم سلیم باجوہ پارے کہ دھابیجی ٹی واپار نا بھلووارخواہی اس ارے۔ رشکئی خصوصی اقتصادی زون نا بناءِ زوت کننگ انگ ءِ، دیوان اٹی سینیٹر عتیق شیخ، سینیٹر عتیق شیخ، سینیٹر عثمان کاکڑ، سینیٹر محمد اکرم، سینیٹر غوث محمد خان، سینیٹر ڈاکٹر اسد اشرف، سینیٹر سراج الحق، سینیٹر نزہت صادق، سینیٹر ستارہ ایاز، سید محمد علی شاہ جاموٹ، سینیٹر میر کبیر احمد تون اوار وزارت نا بڑزکو کمامدارآک ہم ساڑی ئسر۔
