اسلام آباد ۔ 19 جولائی (اے پی پی) تحریک انصاف ءِ حکومت ءِ نیمگ ءَ جوڑیشتی شوبگ ءِ واستہ جار جتگیں پیکج ءَ چہ معیشت ءَ را شاھیگان بوھگ ءِ موہ رسیتت ءُ سستیں زرّ نمبگ ، ادائیگی آنی یک شلی، ھساب ءُ دادی وام، مہنگائی ءُ اے درستاں چہ گیش کوویڈ- 19 ءِ ھوپ ءَ گوں گیش ءُ گیواری ءَ کمک رسیت چیا کہ جوڑیشت ءِ شوبگ ءَ اقتصادی برجائی ءِ واستہ شروک ات، حکومت ءَ اے رد ءَ ٹوھیں جوڑیشتی پیکج دیان ءَ وت اولی گام جتگ ءُ مزن وزیر عمران خان ءَ اپریل ءِ اولی ھپتگ ءَ وتی تئیں بلڈرز ءُ اے شوبگ ءَ گوں بندوکیں ایندگر شوبگ آنی واستہہ آسراتی پیکج ءِ ھم جار جتگ۔ کلانہ ایں کاروبائی بامرد محسن شیخانی ءَ گوشت کہ اے پیسہ ءؐ مول ءُ مراد ملک ءَ معاشی چست ءُ ایر آنی برجائی انت۔ حکومت ءَ جار جتگ کہ گوزوکیں مالی سال 2020 ءِ ساھت ءَ اے شوبگ ءَ سرمایہ کاری کنوکیں مردم آنی آمدنی ءِ رسانک در آنی بابت ءَ پرس کنگ نہ بیت چیال کہ ٹیکس ءِ کمی ءَ چہ ایشاناں نپ ءُ سیت رسیت۔ اے پیکج ءَ ٹیکس آسراتی، یلوئی ءُ سیلز ٹیکس آنی تہ ءَ سبسڈی، کیپیٹل گین ٹیکس ءُ ود ہولڈنگ ٹیکس ھوار انت۔ سرمایہ کار آنی وسیلگ ءَ یک مربع گز یا فی مربع میٹرر ءِ کساس ءَ فکسڈ ٹیکس گرگ بیت ۔ نوکیں پاکستان ہائوسنگ پروگرام ءَ سرمایہ کاری کنوکیں مردم آناں ٹیکس ءِ تہ ءَ 90 درسد یلوئی دیگ بیت۔ مزن وزیر ءَ این پی ایچ پی ءِ چیر دستی ءَ پگار گروک ءُ جھلی تبک ءِ مردم آنی واستہ 30 ارب کلدار ءِ سبسڈی دیگ ءِ جار جتگ۔
حکومت ءَ اسٹیل ءُ سیمنٹ ءَ ابید ہاوسنگ ءِ شوبگ ءَ کارمرد بوھوکیں مٹیریل ءِ سر ءَ ٹیکس نہ جنگ ءِ جار جتگ ءُ آ سیلز ٹیکس آناں کم کنگ ئِ واستہ صوببگ آںی گوما یکجائی ءَ کار کنگ ءَ انت۔ پنجاپ ءُ خیبر پختونخوا ءَ اے ٹیکس آناں دودرسد ءَ تاں برجم کتگ۔ ایشی ءَ ابید کجاھم ھم گسے ءَ را بھا کنوکیں ھاندان ءِ واستہ کیپٹل گین ٹیکس جنگ نہ بیت۔ جوڑیشتی صنعت ءَ را درجگ دیگ بوتگ ءُ صوبگ آنی نیام ءَ وت مہ وتی ءِ واستہہ یک جوڑیشتی صنعت ترقی بورڈ جوڑ کنگ بوتگ۔ مزن وزیر ءَ گوشت کہ مئے کوشست انت کہ گریب آنی واستہ لوگ پجاری، نندگی صنعت ءُ معیشت ءِ برجائی ءُ روزگار پیداک کنگی انت۔ وزیر ءِ مملکت ہائوسنگ ءُ جوڑیشت شبیر علی قریشی ءَ گوشت کہ حکومت ءَ نوکیں پاکستان پروگرام ءَ را برجا دارگ ءِ واستہ نوکیں پاکستان ہائوسنگ اینڈ ڈویلپمنٹ اتھارٹی (NPH & DA) بل 2019 منظور کتگ ءُ اے پروگرام ءَ لکھانی مردم آنی رجسٹریشن ءِ گوما اے اسکیم ءِ جوانیں رند پد ریکاٹ کنگ بوتگ۔ وزیر ءِ مملکت ءَ گوشت کہ جوڑیشتی شوبگ ملک ءِ اندر ءَ معیشت ءِ پڑ ءَ ارزشتی ایں شیریکدار ات ایش کلی مزور آنی ھشت درسد مزوری کنت۔ چوکہ ملک ءَ ھمک سالل 4 لکھ گس آنی ضلورت بیت۔ نوکیں پاکستان ہائوسنگ پروگرام اے بار ءَ را کم کنت انت۔ مزن وزیر عمران کان ءُ آئی یے ٹیمب این پی ایچ پی منصوبگ آناں کامیات جوڑ کنگ ءِ واستہ کوشست کنگ ءَ انت۔ آئی ءَ گوشت کہ حکومت سرکاری مزدگیر آنی ضلورت ءَ چہ بے ھیال نہ انت۔ وزیر ءِ مملکت برائے ہائوسنگ اینڈ ورکس شبیر علی قریشی ءَ گوشت کہ ما وتی دور ءِ حکومت ءَ سرکاری مزدگری ءِ واستہ یک لکھ 25 ہزار ہاوسنگ یونٹ جوڑیشت کناں۔ وزیر ءِ مملکت ءَ گوشت کہ جوڑیشتی صنعت مئے اینجنڈا ءِ درستاں چہ مستریں بھر انت ءُ مزن وزیر عمران خان ءِ ٹیمب اے کار ءَ را پیلو کنگ ئِ واستہ سرجمیں رنگ ئَ تیار انت۔ جھلی تبک ءِ مردم آں ابید ما سرکاری مزدگر آنی سر ءَ فوکس کنگ ءَ آں۔ چیا کہ مرٹ حکومت ءِ بنجاھیی دلگوشی بوتگ۔ ھمے ھاترا این پی ایچ پی ءُ سرکاری نندگی گس آنی چیر دستی ءَ الاٹمنٹ ءِ سر ءَ ترندی ءَ کار کنگ بیت۔ وزیر ءِ مملکت ءَ ریمارکس دات کہ ما پیسریگیں حکومت آں گھوں جتا جتائیں کار کنگ ءَ آں ءُ میرٹ ءُ ساپ ءُ سلہ ئی ءِ سر ءَ ترندی ءَ گوں کار کنگ ءَ آں۔ الاٹمنٹ ءِِ واستہ سرکاری مزدگر آنی لڑ ءَ را کمپیوٹرائزڈ کنگ بوتگ ءُ ھمک الاٹمنٹ ءَ را ساپ ءُ سلہ ئی ءِ گوما میرٹ ءِ سر ءَ کار کنگ بوتگ۔ آئی ءَ گوشت کہ کسانیں صوبگ آنی سر ءَ دلگوشی دیگ ءِ ھم ھوالگ داتگ کہ بلوچستان ءُ ایندگر صوبگ آنی تہ ءَ ھم نندگی گس آنی جیڈھ ءِ سر ءَ دلگوشی دیگ بوھگ ءَ انت۔ بلڈرز اینڈ ڈویلپرز آف پاکستان (اے بی اے ڈی) ءِ چئیرمین ایسوسی ایشن محسن شیخانی ءَ اے پیکج ءَ را اے ریمارکس آنی گوما وش اتک کت
کہ 70 سالاں اولی رند ءَ یک حکومتے ءَ ہاؤسنگ سیکٹر ءَ را یک صنعتے لیک اِتگ، حکومت ءِ فیصلہ ءِ سرءَ ہمک تک ءَ باست ءُ واست کنگ بوتگ۔ چہ اے گامگیج ءَ پنجاہ لکھ لوگ ءُ 15 ملین روزگار ءِ موہ رسگ ءَ کمک رسیت۔ اگاں بندات ءَ حکومت یک میلن لوگاں چہ بندات کنت گڑا ایشی ءَ چہ ڈھائی لکھ نوکری ودی بیت ءُ 40 یا 72 صنعت بحال بنت۔ آئی ءَ گشتگ کہ کوویڈ۔19 ءَ سرجمیں دنیاءَ را معاشی نیزوری ءِ آماچ کتگ بلے مارا یقین اِنت کہ اے منصوبہ ءَ چہ معاشی نیزوری ہلاس بنت۔ شیخانی ءَ گشتگ کہ تعمیراتی صنعت مے معیشت ءِ المی بر اِںت۔ معاشی زانت کار ءُ ایس ڈی پی آئی ءِ ایگزیکٹوڈائریکٹر عابد قیوم سیلحری ءَ تعمیراتی پڑءَ را معیشت ءِ ھاترءَ باندات ءِ المی برے ءِ ارزشت ءَ نوٹ کتگ۔ آئی ءَمزن وزیر ءِ پیکیج ءَ را وش اَتک کتگ ءُ گشتگ کہ اے منصوبہ ءَ چہ لھس مھلوک ءَ را گیش پائدگ سر کنگ ءِ دزبندی کنگ بوتگ۔ آئی ءَ گشتگ کہ وہدے کہ رھبند جوڑ کنگ مہ بیت گڑا کم نیادیں لوگ مردماں چہ دور بنت۔ مردماناں اے آسراتی ءَ سرکنگ بہ بیت تنکہ آ وتی وسءُ واک ءِ ردءَ لوگانی قسط آں دات بہ کن اَنتءُوتی لوگانی واہُند جوڑ بہ بنت۔ آئی ءَ سرکاری ءُ نجی پڑ ءِ نیامءَ تپاکی ودی کنگ ءُ درائیں ہاؤسنگ ءُ ایشی ءَ گوں ہمگرنچیں پڑانی ھاترءَ بورڈ ءَ ٹیکس ءِ آسراتی ءَ را گیش کنگءِ سوج دیئگ بوتگ۔ سیلری ءَ نجی بلڈر ءُ ڈویلپرآنی دلبڈی ءِ ھاترءَ نوکیں پاکستان ہاؤسنگ اتھارٹی ءِ سوج پیش کتگ کہ آ کم نیاد ءِ ہاؤسنگ یونٹ ءِ ہدف ءَ بہ دنت۔ بلڈر ءُ رئیل اسٹیٹ ایجنٹ آں ہم مزن وزیر ءِ پیکیج ءَ را اے پڑ ءِ بحالی ءِ ھاترءَ یک حاسیں گامگیجے ءِ ردءَ ساڑاتگ۔آئی ءَ گشتگ کہ ما پی ٹی آئی ءِ حکومت ءِ منت وار اَنت۔ بحریہ ٹاؤن ءُ بلیوورلڈ سٹی پراجیکٹ ءِ ایسوسی ایٹ بلڈر لمیٹڈ حسن طلال ءَ ٹیکس نا جنگ ءِ حکومتی فیصلہ ءَ را وش اَتک کتگ ءُ گشتگ کہ اے ہم جوانیں گامگیج اِت۔ آئی ءَ گشتگ کہ این پی ایچ پی تعمیراتی صنعت ءَ را دیمروئی دیئگ ءَ ہم کمک رسیت۔ آئی ءَ حکومت ءَ را “ارزانی ءَ گوں بیپار کنگءَ را آرزان جوڑ کنگ” ءِ پالیسی ءِ ردءَ ہاؤسنگ سوئٹی آئی ھاترءَ کاگزات ءُ این او سی ءِ عمل ءَ را ارزان کنگ ءِ سوج داتگ۔ طلال ءَ رہائشی یونٹ آنی لوٹ ءَ پیلو کنگ ءُ کسانیں ءُ میگاتعمیراتی منصوبہ آنی نیام ءَ تپاوت ءَ را ہلاس کنگءِ ھاترءَ بُرزیں ماڑی جوڑ کنگ ءِ سوج داتگ۔
یک بلڈر ءُ ڈیزائنر محمد احسن ءَ جوڑیشتی شوبگ ءِ گہتری ءُ معیشت ءِ برجائی ءِ واستہ حکومت ءِ آسراتی پیکج ءِ جار ءُ تپاسی گپت۔ آئی ءَ گوشت کہ جوڑیشتی شوببگ ءِ دیمروئی ءِ گوما 40 شوبگ آنی تہہ ءَ کاروبار ءُ روزگار پیداک بیت۔ اگاں ایشی ءِ گام جاڑی بوتاں گڈا 50 لکھ گس آنی جوڑیشت ءِ سیم سر در جنگ بنت۔ آئی ءَ گوشت کہ ٹکھیکیدار ءُ کسانیں بلڈر آنی واستہ بینک وام زورگ، گارنٹی ءُ وتی کاروبار ءِ رکھینگ ءَ آسراتی گوانک جتگ انت۔ حکومت ءَ ٹھیکیدار ءُ بلڈر آنی جیڈھ آنی گیواری ءِ واستہ یک پلیٹ فارم ءِ جوڑ کنگ بوتگ۔ آئی ءَ اے تبک ءِ واستہ جان سلامتی، انشورینس ءُ ایندگر آسراتی آنی پٹ ءُ لوٹ ءِ پڑ ءَ لیبر آنی نہ وشیں جاور آنی سر ءَ دلگوشی کنگ ءِ شور ءُ سلاھ داتگ۔ آئی ءَ گوشت کہ اے شوبگ ءِ دیمروئی دیگ ءَ آئی ئَ کلیتی کرد ءِ است انت۔ بلے ٹپیگ بوھگ یا معزوری ءِ جاور ءَ جان سلامتی انشورنس ءُ ایندگر آسراتی وڑیں شریں چیز آنی بیگواھی انت۔ آئی ءَ گوشت کہ ایش جوانیں گام گیج ات، کوویڈ 19 ءِ سبب ءَ اچ وڑیں ھم حکومت اے شوبگ ءِ واستہ زوتیں رد ءَ پیشوکی تران ءُ گام جت نہ کنت۔ محمد منشا ساہی سکریٹری سول کوڑپریٹو ہاوسنگ سوسائٹی (سوان گارڈن ) ءَ گوشت کہ ایشی ءَ چہ تاوان آناں دور کنگ ءَ کم رسیت۔ آئی ءَ گوشت کہ اگاں اے سرمایہ کار آنی دل یکیمی برجا بہ بیت ءُ مافیا ءِ ھلاپ ءَ ترندیں گامگیج کنگ بہ بیت گڈا اے شوبگ ءَ را سک باز دیمروئی رسیت۔ اے ءَ شور دات کہ ما حکومت ءِ کاروبار ءِ تہ ءَ آسراتی ، ءِ پالیشی ءُ اے شوبگ ءِ سر ءَ حکومت ءِ جوڑ کتگیں کانود آنی رد ءَ جوانیں برجائی ءَ چہ سیت چست کنگ ءِ ھاترا آسراتی آنی واھشت ءَ دار آں۔
