اسلام آباد ۔ 19 جولائی (اے پی پی) بنجاہی وزیر ھالرسانی ءُ شنگکاری سینیٹر شبلی فراز ءَ گوشت کہ کشمیریانی پاکستان ءَ گوں الحاق پدر انت کہ آہانی دل ءِ تہ پاکستان انت، اے پیسلہ تاگت ءُ زلم ءُ جبر ءِ وسیلگ ءَ کنوکانی دیم ءِ سرا چماٹ انت۔یک شمبے ءَ وتی ٹویٹ ءِ تہ ھالرسانی ءُ شنگکاری ءِ ءِ وزیر سینیٹر شبلی فراز ءَ گوشت کہ کشمیریانی حق خود ارادیت ءِ منزل ءِ زورگ ءِ تاں اخلاقی ،سیاسی ءُ سفارتی پلہ مرزی سرجمیں تاگت ءَ گوں برجاہ انت۔
