کرونا وبا ءَ گوں دیم دیگ ءِ ھاترا گامگیج ءِ تہ حکومتءَ را حسابداد ءُ ساپ ءُ پلگاری ءِ کار ءَ پشت نہ ایر کنگ بیت،آئی ایم ایف

اسلام آباد ۔ 18 جولائی (اے پی پی) میاں اوستمانی مالیاتی فنڈ (آئی ایم ایف) ءَ گوشت کہ کورونا وائرس ءِ میاں اوستمانی وبا ءَ گوں دیم دیگ ءِ ھاترا حکومت ءَ را احتساب ءُ شفافیت ءِ کار ءَ را پشت ءَ نہ ایر کنگ مہ بیت۔ اے گپ آئی ایم ایف ءِ نیمگا چہ جاڑی کتگیں یک ویڈیو کلوھ ءِ تہ گوشگ بوتگ۔کلوھ ءِ تہ گوشگ بوتگ کہ میاں اوستمانی وبا ءَ گوں دیم دیگ ءِھاترا 70چہ گیش ملکاں را اناگتی بنیات ءَ مالی کمک پھجاراتگ، اے ملکاں را 25 ارب ڈالر چہ گیش ءِ کمک پھجارگ بوتگ۔ویڈیو ءِ تہ گوشگ بوتگ کہ آئی ایم ایف ءِ دراھیں حکومتانی ھاترا کلوھ ایش انت کہ اے بحران ءِ وھد ءِ تہ ضلورت ءِ ردا ھرچ ءَ کن انت بلے ھرچانی شریں وڈ ءَ کنگ بنت ءُ ایشی ءِ رسید ھم ایر کنگ بنت۔اے وھد ءَ مہ احتساسب ءِ کار ءَ را پشت ءَ نہ ایر کنگ بیت۔کلوھ ءِ تہ گوشت بوتگ کہ کرپشن یک اے رنگیں تباہ کن انت کہ اے نزور ءُ گریب تبک ءَ را درستاں چہ گیش متاثر کنگ انت۔میاں اوستمانی مالیاتی فنڈ ءَ کرپشن ءِ ھلاپ ءَ گامگیج ءِ تہ حکومت ءَ گوں کمک برجاہ ایر کتگ،حکومتی بہازورگ ءِ آن لائن شنگکاری،آزاتیں آڈٹ ءُ اینٹی کرپشن ءُ اینٹی منی لانڈرنگ ءِ دلپرشی ءِ ھاترا حخومت ءَ گوں پج ءَ کار کنگ بوھگ انت ءُ اے باروا دلبڈی ھم کنگ بوھگ انت۔