اسلام آباد۔ 17 جولائی (اے پی پی) پاکستان کالعدم تحریک طالبان پاکستان نا راہشون نورولی محسود ءِ اقوام متحدہ نا داعش و القاعدہ نا مہشون اٹ اوار کننگ و دانا میرات آتے منجمد کرسا سفری پابندی خلنگ نا خیرمقدم ءِ کرسا اومیت ظاہر کرینے کہ ایلو ملک آک ہم ہندا نقش قدم تیا چلینگرہ۔ جمعہ نادے آ ترجمان دفترخارجہ اقوام متحدہ نا فیصلہ نا ستاءِ کرسا پارے کہ پاکستان مہالو آن یو این سلامتی کونسل نا تعلقدار قرارداد آتارداٹ پابندی خلکونے و اومیت ءِ کہ ایلو ملک آک ہم ہندا نقش قدم تیا چلینگرہ۔ ترجمان پارے کہ اقوام متحدہ مہالو آن ٹی ٹی پی ءِ دہشت گرد تنظیم اس گوندانے ہراپاکستان نا تہہ ٹی چندی دہشت گرد جلہو آتا زموار ءِ،پاکستان ملک اٹی جامع سکیورٹی آپریشن نا کمک اٹ ٹی ٹی پی ءِ شکست تسنے، ولے ٹی ٹی پی پاکستان سیم تیان پیشن مسٹ می ملک انا کمکار آتا کمک اٹ آپریٹ کننگ ءِ، ترجمان داعزم انا درشانی ءِ کرے کہ پاکستان دہشت گردی نا مرتکب، مالی کمک، ڈٹ بندی کننگ و کمکاری ٹی اوار بندغ آتا برخلاف جنگ انا تینا پالیسی آ عمل کیک۔
