اسلام آباد۔ 17 جولائی (اے پی پی) وزارت خارجہ امور و قومی ادارہ جان جوڑی(این آئی ایچ) جمعہ نادے آ اسیجا وڑاٹ حیاتیاتی سائنسدان تیکن ضابطہ اخلاق 2020 وانسانی حیاتیاتی مواد ءِ جمع، کوڑی و برآمد کننگ کن نیشنل گائیڈ لائن تا بابت اِرادستاویز جاری کرے۔ ترجمان دفترخارجہ نا رداٹ داچرجوئی ٹی جمعہ نادے آ وزارت خارجہ ٹی اسہ دود اس مس۔ داوخت آ سیکرٹری خارجہ سہیل محمود و ایگزیکٹو ڈائریکٹر این آئی ایچ میجر جنرل ڈاکٹر عامر اکرام ایس آئی (ایم) ساڑی ئسر۔ ترجمان نارداٹ ہڑتوم آ دستاویز آتا مسخت پاکستان اٹی حیاتیاتی علم اتون وابستہ اسٹیک ہولڈرآتا زموارانہ طرز عمل کن راہشون اصول تا وضاحت کننگ نا ءِ۔ داہڑتوم آ دستاویز آک پاکستان نا تینا قومی کانود جوڑ کننگ نا گرج و جہانی زمواری تیا عملدرآمد ءِ پین سوگوی ایتک ہرا پوسکن آ جہانی آب و گچین وڑوڈول انا رداٹ ءُ، حیاتیاتی سلہہ غاتا کنونشن(بی ڈبلیو سی) نا کڑدہ نا حیثیت اٹ، پاکستان پرامن کاریم اٹ اتنگ کن حیاتیات نا پڑاٹ جہانی کمکاری تون اوار اوار سائنسی دریافت آتا پورو پٹ وپول و شونداری ءِ مون آ دننگ نا خواہندار ءِ وخت اس کہ داہیت ءِ پک کننگ نا ءِ کہ داوڑنا سرجزآک آخبتی وڑاٹ بی ڈبلیو سی نا مسخت آتون ہم گرنچ مریر۔ بائیو سائنس و ٹیکنالوجی نا ریگولیشن نا بابت انٹرایجنسی ٹاسک فورس انا کماشی وزارت خارجہ امور تون ءِ۔ ہرا بی ڈبلیو سی کن قومی فوکل پوائنٹ اسے۔ ٹاسک فورس، حیاتیاتی سائنسز نا بشخ اٹی مروک آ ترند رفتار پیش رفت نا تاثیر ءِ پک کننگ اٹ قومی کانود جوڑ کننگ، قاعدہ و ضابطہ نا جاچ ءِ ہلنگ کن غٹ قومی اسٹیک ہولڈر آتون پدریسہ رابطہ غاتیٹی ءِ۔
