اسلام آباد ۔ 17 جولائی (اے پی پی) صدر مملکت ڈاکٹر عارف علوی ءَ گوشت کہ اگاں کورونا ءِ ھوپ ءِ ھلاپ ءَ کار رھبند آنی پد ءُ رند آنی سر ءَ گواچنی ءَ پد ءُ رند کنگ بہ بیت گڈا ایشی ءَ چہ ریاست ، حکومت ءُ الس وتی چست ءُ ایر آناں جوانیں رنگ ءَ جاڑی داشت کناں۔ آدینگ ءِ روچ ءَ یک ٹویٹے ءِ تہ ءَ آئی ءَ گوشت کہ حکومت ءُ شیعہ عالم آںی نیام ءَ محرم الحرام ءِ موہ ءَ کورونا وائرس ءَ چہ رکھینگ ءِ واستہ وت مہ وتی تپاکی ءَ گوں درشان بیت کہ توامیں تبک ءِ عالم راجی کار آنی سر ءَ یک مشت انت۔ آئی ءَ گوشت کہ محرم الحرام ءِ ساھت ءَ ماتمی جلوس ءُ مچی آنا ایس او پیز آںی گوما برجم دارگ بنت۔ صدر ءِ مملکت ءَ گوشت کہ رمضان المبارک ءِ ساھت ءَ مسیت، نماز ءُ تراویض ءِ ساھت ءَ ھمے رنگ ءَ کار رھبند آناں پد ءُ رند کنگ بوتگ۔ ھمے رنگ ءَ محرم الحرام ءِ ساھت ئَ رکھینگی رھبند آناں وت مہ وتی تپاکی کنگ ءِ واستہ بنجاھی وزیر ، آزات جموں کشمیر ءِ صرر، صوبائی گورنر ءُ شیعہ عالم آںی شگر ءُ منت گپت۔
