اسلام آباد ۔ 17 جولائی (اے پی پی) صدر مملکت ڈاکٹر عارف علوی ءِ سروکی ءَ کورونا ھوپ ءِ رد ءَ محرم الحرام ءِ جلوس ءُ مچی آنی آپریٹنگ ءِ کار رپک (ایس او پیز) آنی تیاری ءُ کوویڈ-19 ءِ گر ءُ دار ءِ واستہ جوانیں رھبند آنی پد ءُ رند کنگ ءِ واستہ سرجمیں ملک ءِ شیعہ عالم آنی پگری گند ءُ نند ایوان ءِ صدر اسلام آباد ءَ بوتگ۔ ایشی ءِ تہ ءَ محرم الحرام ءِ ساھت ءَ جلوس ءُ “عزاداری” ءِ واستہ ایس او پیز آںی سر ءَ وت مہ وت تپاکی کنگ بوتگ، عالم آں راجی یکوئی ءُ جتا جتائیں پگر ءُ لیکہ داروکیں مردم آنی نیام ءَ وت مہ وت نزیکی ءَ را یک شل ءَ دار ءِ پد ءَ صدر ءِ مملکت ءِ کرد ءَ را ساڑات۔ دیوان ءَ بنجاھی وزیر توکی کار بریگیڈئر ریٹائرڈ اعجاز احمد شاہ، بنجاھی وزیر نیک راھی کار پیر نور الحق قادری، گورنر پنجاپ چودھری محمد سرور، علامہ عارف واحدی ، راجہ ناصر عباس ، ڈاکٹر غضنفر مہدی ، علامہ قمر حیدر زیدی ، راجہ بشارت امامی ، ءُ علامہ سجاد حسین نقوی ءَ بھر زوری کت۔ صوبائی گورنرز، صدر آزات جموں کشمیر سردار مسعود خان، پنجاپ ءَ گوں علامہ افضل حسین حیدری ءُ علامہ حسین اکبرر، سندھ ءَ چہ علام شہنشاہ نقوی، علامہ سید علی قرار نقوی ءُ علامہ فرقان حیدر عابدی، خیبر پختونخواہ ءَ چہ علامہ عابد حسین شاکری ءُ علامہ ارشاد حسین خلیلی ، بلوچستان ءَ چہ علامہ سید ہاشم موسوی ءُ علامہ شیخ جمہ اسدی، وھدیکہ آزات جموں کشمیر ءَ گوں سیادی داروکیں مفتی کفایت حسین نقوی ءَ ویڈیو لنک ءِ وسیلگ ءَ اے گند ءُ نند ءَ بھر زوری کت۔
