اسلام آباد ۔ 17 جولائی (اے پی پی) مزن وزیر عمران خان ءَ ڈن ملک ءَ نندوکیں پاکستانی آناں وطن ءَ واپس آرگ ءِ ھولگ ءَ انتظامی ءُ دیمروئی کار آنی سر ءَ دل یکیمی ءِ درشان ءَ کنان ءَ گوشگ کہ دگنیا ءِ کجام ءَ کونہ ءَ نندوکیں پاکستانی مے زمہ واری انت ءُ اے زمہ واری ءَ را پیلو کنگ ءِ ھوال گءَ ھمک رنگیں کوشست ءَ کناں۔ اے ھیالانی درشانی آئپ ءَ ھاسیں کمکار برائے نیشنل سیکورٹی ڈکٹر معید یوسف ءَ گوں تران کنان ئَ کت آئی ءَ آدینگ ءِ رچ ءَ آئی ءَ گوں گند ئُ نند کت۔ گند ءُ نند ءَ دمگی جاور ھال آنی سر ءَ ھیال ریچی کنگ بوت۔ گند ءُ نند ءَ ڈاکٹر معید یوسف ءَ کورونا ءِ رد ءَ ڈن ملک ءَ پستگیں پاکستانی آناں وطن ءَ واپس ءَ آرگ ءِ ھولگ ءَ پیشوکی کار آنی سر ءَ برینفگ دات اے ساھت ءَ آئی ءَ مزن وزیر ءَ را گوشت کہ انوگ ءَ تاں سرجمیں دگنیا ءَ 70 ملک آنی گوما دو لکھ پچیس ہزار ءَ چہ گیش پاکستانی آناں وطن ءَ واپس آرگ بوتگ۔ آئی ءَ گوشت کہ مشکلیں اے ساھت ءَ ڈن ملک ءَ پاکستانی آناں وطن ءَ واپس آرگ ءِ مزن وزیر ءِ سوگند ءَ را سرجم کنگ بوتگ۔ اے موہ ءِ سر ءَ مزن وزیر ءَ پاکستانی آناں وطن ءَ واپس آرگ ءِ ھوالگ ءَ انتظامی ءُ پیشوکی کار آنی سر ءَ دل یکیمی ءِ درشان کت۔ آئی ءَ گوشت کہ دگنیا ءِ کجام ھم کونہ ءَ نندوکیں پاکستانی مئے زمہ واری انت ءُ اے زمہ واری ءَ را پیلو کنگ ءِ ھوالگ ءَ ھمک رنگیں کوشست ءَ پیلو کناں۔
