سی پیک اٹ ایران نا اوار مننگ و اوغانستان اٹ امن نا فائدہ غٹ ءِ مریک، وزیر خارجہ مخدوم شاہ محمود قریشی

اسلام آباد۔ 17 جولائی (اے پی پی) وزیر خارجہ مخدوم شاہ محمود قریشی پارینے کہ سی پیک اٹ ایران نا اوار مننگ و اوغانستان اٹ امن مننگ نا فائدہ غٹ ءِ مریک۔ دابھارت کن اسہ لوڈو اسے۔ بھارت پاکستان ءِ تنیا کننگ خواہسکہ، ولے داسہ تینٹ تنیا مسنے۔ جمعہ نادے آ تینا اسہ بیان اسے ٹی وزیر خارجہ پارے کہ سی پیک اٹ ایران نا اوار مننگ بھارت کن اسہ لوڈو اسے۔ بھارتی حکومت آ اپوزیشن تنقید کننگ ءِ ۔ شاہ محمود قریشی پارے کہ چین و بھارت اٹ بے چیٹی آن کیہی بھارتی فوجی زوال و ٹھپی مسر۔ نیپال نا پارلیمنٹ ءِ قرارداد نا کمک اٹ خواست پیش کروئی تمانے۔ وزیر خارجہ پارے کہ بھارت نا بنگلہ دیش اتون تعلقداری تیٹی ہم مہالوآنبار جم و جوش اف۔ اوپارے کہ بھارت پاکستان ءِ تنیا کننگ خواہسکہ، ولے داسہ او تینٹ تنیا مسنے۔ وزیر خارجہ پارے کہ درو بھارتی سفارتکار کلبھوشن نا اسہ ہیت اس ہم بِننگ آن بیدس ہنا۔ بھارتی سفارتکار ہیت کننگ آن لڑزاکہ، کلبھوشن توار خلسا ہنا،بھارتی سفارت کار کشاتینے نرا۔ شاہ محمود قریشی پارے کہ بھارت نا بدنیتی پاش آن پاش مون آ بسنے، دارسینگ خواتوکہ۔ اودے شیشہ غا اعتراض ئس اودے ہم اینک کرین۔ نن داہم پارین کہ اسٹ آن بیدس سیکورٹی کارندہ غاتے ہم اسہ کنڈ کینہ۔ شاہ محمود قریشی پارے کہ سکیورٹی نا رداٹ کلبھوشن ءِ اسُل تنیا ہلنگ کتونہ، خبر اف انت کریکہ۔