اسلام آباد۔ 16 جولائی (اے پی پی) وزیراعظم عمران خان نا کماشی ٹی ہاؤسنگ، تعمیرات و شونداری نا بابت قومی رابطہ کمیٹی ناارٹ میکو دیوان پنچ شنبے نادے آ داڑے اڈ ہلک۔ داہیت ءِ وزیراعظم آفس نا کنڈآن جاری بیان اٹی پاننگا۔ دیوان اٹی تعمیراتی بشخ اکن حکومت نا کنڈآن پڑوکروک ساڑی آ آسودہی پیکج آ پیش رفت نا جاچ ءِ ہلنگا۔ وزیراعظم ہاؤسنگ، تعمیرات و شونداری آن قومی رابطہ کمیٹی اس ٹہیفیسس ہرانا اولیکو دیوان اونا کماشی ٹی 10 جولائی آ مسوسس۔ داکمیٹی ءِ جوڑ کننگ نا مسخت تعمیراتی بشخ انا بابت کانود ءِ آسان کننگ و وام تا فراوانی نا عمل اٹ آسانی ودی کننگ کن تینا کڑد ءِ ادا کننگ نا ءِ۔ دا کمیٹی بینک آتون اواری اٹ ہاؤسنگ بلڈنگ فنانس نا بابت اڑاند آتے مر کننگ اٹ ہم تینا کڑد ءِ ادا کیک۔
