اسلام آباد۔28فروری ( اے پی پی) ملک ئِ صدر ئِ لوگی بانک محمودہ ممنون حسین ءَ نوکیں نسل ئَ را اخلاق ءُ شرپ ءَ را چہ پجار کتگ، آھانی کرد ساچی ءُ آھاناں جوانیں وانگ ءُ زانگ ئَ گوں ھمگرنچ کنگءِ ضلورتئِ سرئَ زُور پِرداتگ ءُ گشتگ کہ اسلام ئَ مارا زند ئِ گوازینگ ئِ سرءُ سوج داتگ ، اسلامی تعلیمات ئِ سرئَ عمل کنگئَ ما چاگردئَ را یک مٹیں چاگردے جوڑ کن اَنت۔ اے ھیالانی درشانی آئیئَ سئے شمبےئِ روچئَ ایوان صدر ئَ اسلام آباد ماڈل وانگ جاھ ئِ نودربرآنی گوما تران کنان ئَ کتگ۔ بانک محمودہ ممنون حسین ئَ نودربرآنی زانتءُ تربیتئِ ھاترئَ لیکچر ز ئِ کار بندات کتگ کہ ایشانی تہا بازیں وانگ جاھانی نودربر توار کنگ بنتءُ آھاناں آھانی فرض ئَ سرءُ سوج کنگ بنت تنکہ آ ملک ئِ دیم روئی ءُ وشھالی ئِ ھاترئَ وتی وتی کردئَ پیلو بہ کن اَنت۔
