راولپنڈی ۔23جون (اے پی پی): اُرد ءِ سروک ءُ دفاعی اُرد ءِ سروک فیلڈ مارشل سید عاصم منیر ءَ ایران ءِ صدر ڈاکٹر مسعود پزشکیان ءَ گوں گند ءُ نند کتگ ءُ دمگی جاور ھال ءُ امن ءِ دیمروئی ءِ ھاترا گامگیج آنی سر ءَ گپ ءُ تران کتگ۔ سئے شمبے ءِ روچ ءَ انٹر سروسز پبلک ریلیشنز ءِ نیمگ ءَ جاڑی بوتگیں بیان ءِ رد ءَ ایران ءِ صدر …
آرمی اسٹاف فیلڈ مارشل سید عاصم منیر ءَ ایران ءِ صدر ڈاکٹر مسعود پزشکیان ءَ گوں گند ءُ نند
راولپنڈی ۔23جون (اے پی پی): اُرد ءِ سروک ءُ دفاعی اُرد ءِ سروک فیلڈ مارشل سید عاصم منیر ءَ ایران ءِ صدر ڈاکٹر مسعود پزشکیان ءَ گوں گند ءُ نند کتگ ءُ دمگی جاور ھال ءُ امن ءِ دیمروئی ءِ ھاترا گامگیج آنی سر ءَ گپ ءُ تران کتگ۔ سئے شمبے ءِ روچ ءَ انٹر سروسز پبلک ریلیشنز ءِ نیمگ ءَ جاڑی بوتگیں بیان ءِ رد ءَ ایران ءِ صدر ءَ دمگ ءَ گپ ءُ تران ، ڈی اسکالیشن ءُ استحکام ءِ دیمروئی ءِ واستہ پاکستان ءِ تعمیری ءُ ذمہ واریں کرد ءَ را ساڑات۔ آئی ءَ گیش بوھوکیں جیو پولیٹیکل چیلنج آنی تہ ءَ جیڈھ آناں پرامن گیواری ءُ دمگی فریق آنی نیام ءَ وت مہ وتی ءِ دیمروئی ءِ واستہ پاکستان ءِ برجاھیں کوشست آناں من اِت۔ فیلڈ مارشل سید عاصم منیر ءَ پاکستان ءِ پڑ ءَ امن ءُ ایمنی ءِ واستہ پاکستان ءِ بے دروریں جزم ءِ سر ءَ زور پر دات۔ دوئیں نیمگاں پاکستان ءُ ایران ءِ سیادی ءَ را گیش مھکم کنگ ءُ دمگ ءَ امن، وشھالی ءُ برجائی ءِ یکجائی مول ءُ مراد ءَ را دیم ءَ برگ ءِ واستہ وت مہ وتی سیت ءِ جیڈھ آنی سر ءَ نزیکیں شور ءُ سلاھ ءَ را برجاہ دارگ ءِ جزم ءِ درشان کت۔
