اسلام آباد۔28فروری ( اے پی پی) مزن وزیر محمد نواز شریف ئَ ناشرکاری ئِ ھلاپ جنگ ئَ پاکستان ئِ ھاترئَ چین ءِ سفارتی ءُ مادی حمایت ئَ را وش اَتک کتگ۔ آ چین ئِ ایگزیکٹو نائب دری کارانی وزیر ژی ژ وئی ژ ان ئَ گوں گپ ءُ تران کنگئَ بوتگ کہ آھاں سئے شمبےئِ روچئَ مزن وزیر گسئَ گندءُ نند کتگ۔ مزن وزیر ئَ چین ئِ نیمگئَ چہ ھرچ وڑیں جاورھالاں ھمراھ داری کنگئَ چین ئِ قیادت ءُ اُؒس ئِ شگر ءُ منت گپتگ ءُ گشتگ کہ گوازوکیں وھدئِ گوما پاکستان ءُ چین ئِ درنیام ئَ سیادی گیش مھکم بوھگئَ اَنت۔ آئی ئَ نیوکلیئر سپلائرز گروپ ءُ یو این ایس سی 1267کمیٹی ئِ جیڑھ ئِ سرئَ حمایت کنگئَ چینی حکومتئِ شگرءُ منت گپتگ۔ مزن وزیر ئَ گشتگ کہ پاکستان ءُ چین آئرن برات ءُ چین ئِ گوما دوستی پاکستان ئِ دری کارانی پالیسی ءِ برورد اَنت۔
