اسلام آباد۔ 27 فروری (اے پی پی) سرکاری بشخ انا شونداری پروگرام نا رداٹ وزارت ڈٹ بندی و شونداری چندی وزارت و ڈویژن آتا شونداری ڈٹ آتے کن جم وڑاٹ داوخت اسکان چارکھرب 30 ارب 93 کروڑ روپئی آن زیات نا فنڈ جاری کرینے۔ حکومت سرکاری بشخ انا شونداری پروگرام کن 8 کھرب روپئی نا فنڈ جتا کرینے۔ پلاننگ کمیشن نا جاری کروک حساب وکتاب نا رداٹ حکومت پرائم منسٹر یوتھ و ہنر مند پروگرام کن 7 ارب 94 کروڑ روپئی، عارضی وڑاٹ بے اُرا مروک آ بندغ آتا بحالی کن 51 ارب 73 کروڑ روپئی، ایرا کن 10ارب روپئی ، پائیدار شونداری ہدف آتے کن 20 ارب روپئی، سیفران/فاٹا کن 15 ارب 14 کروڑ روپئی، گلگت بلتستان بلاک کن 4 ارب 74کروڑ روپئی، اے جے کے بلاک کن 12 ارب 70 کروڑ روپئی، واپڈا پاور سیکٹر کن 94 ارب 70 کروڑ روپئی، نیشنل ہائی وے اتھارٹی کن اسہ کھرب 11 ارب 41کروڑ روپئی، دیر و بجلی ڈویژن نا شونداری ڈٹ آتے کن 9 ارب، سپارکو کن اسہ ارب 40 کروڑ روپئی، شماریات ڈویژن کن 5 کروڑ 80 لکھ روپئی، سائنس و ٹیکنالوجیکل ریسرچ ڈویژن کن اسہ ارب 16 کروڑ، ریونیو ڈویژن کن 27 کروڑ 41لکھ روپئی، ریلوے ڈویژن کن 24ارب 33 کروڑ روپئی، پورٹس اینڈ شپنگ ڈویژن کن 83 کروڑ 46لکھ، پلاننگ کمیشن کن 2 ارب 50 کروڑ روپئی، پاکستان اٹامک انرجی کمیشن کن 17ارب 25کروڑ روپئی، ملک اٹی جان جوڑی نا آسراتی تے گچین جوڑ کننگ کن 9 ارب 75کروڑ روپئی، داخلہ ڈویژن کن 9 ارب 43کروڑ روپئی، ہائیر ایجوکیشن کمیشن کن 8 ارب 54کروڑ روپئی ، فنانس ڈویژن کن 2 ارب 44 کروڑ روپئی، کیڈ ڈویژن کن 2 ارب 14 کروڑ روپئی وکابینہ ڈویژن کن 30 کروڑ روپئی تون اوار چندی شونداری ڈٹ آتے کن فنڈ جاری کرینے۔
