اسلام آباد۔ 27 فروری (اے پی پی) مسکوہی سفیر بی اے ملک پارینے کہ چین پاکستان اقتصادی راہداری ڈٹ انا پوروی آن پاکستان ڈیہہ نا سپر پاور جوڑ مریک۔ ریڈیو پاکستان تون ہیت وگپ کرسا اوپارے کہ آپریشن ضرب عضب نا گچین نتیجہ دوئی مننگ ئِ و ننے انتہاپسندی ئِ ہم چٹفوئی ئِ ہراڑکن حکومت آپریشن نا ردالفساد نا بنائِ کرینے۔ اوپارے کہ دہشت گردی و انتہاپسندی اِرا جتائُ عمل ئُ ہرافتے جتا آپریشن تا کمک اٹ ہی چٹفنگ مریک۔ بی اے ملک پارے کہ چین پاکستان اقتصادی راہداری ڈٹ آن پاکستان نا آخبت روشنا مسنے و داڈیہہ نا سپر پاور واک جوڑ مریک ہنداخاطران بایدے ننے مرے کہ نن سی پیک نا پورو کٹیا تے دوئی کننگ کن دہشت گردی و انتہاپسندی ئِ چٹفن۔ مسکوہی سفیر پارے کہ داسہ سی پیک ڈٹ انا بنامسنے و چندی ملک آک داٹی بشخ ہلنگ کن تینا آمدگی نا درشانی ئِ ہم کرینو۔
