اسلام آباد۔ 27 فروری (اے پی پی) پاک اوغان سیم آ طورخم بارڈر پورو بند ئِ ولے بے کچ ناجوڑ بندغ آتے جوزہ خیر سگالی نا ردٹ ہِننگ نا موکل تننگ انگ ئِ۔ نجی ٹی وی نا رداٹ طورخم بارڈر ہروڑنا ہن و بر کن بند کننگانے ولے بے کچ ناجوڑ بندغ آتے جوزہ خیر سگالی نا رداٹ ہِننگ نا موکل تننگ انگ ئِ و ناجوڑ تون بیرہ اسہ تیمارداراس گدریفنگ انگ ئِ لنڈی کوتل نا تحصیل دار شاہ مہمند میڈیا تون ہیت وگپ کرسا پارے کہ او جمرود نا لین آفیسر ئِ ہم احوال تسنے اسہ ہم اوغان باتی اسے جمرود نا تختہ بیگ چیک پوسٹ آن طورخم و لنڈی کوتل نا کنڈا ہمووخت اسکان ہِننگ نا موکل تفس ہراوخت اسکان باقاعدہ طورخم گیٹ ملنگپک اوپارے کہ بارڈر ئِ ملنگ کن حکومت اونا باقاعدہ پڑو ئِ کیک اوکان پد اوغان باتیک طورخم نا کنڈاسفر کننگ کیرہ۔ اوپارے کہ انتظامیہ داڑے ساڑی اوغان مسافر آتے پورو رکھ و کُننگ نا گڑاتا آسراتی تسنے۔
