اسلام آباد۔ 27 فروری (اے پی پی) محکمہ موسمیات نا پاننگ ئِ کہ اسلام آباد راولپنڈی تون اوار ملک انا گیشتر علاقہ غاتیٹی موسم خشک سلنگ وخت اس کہ کوئٹہ ، ژوب ، قلات ڈویژن تون اوار مالاکنڈ، بنوں ، فاٹا و کشمیر و گلگت بلتستان نا ایب و کیب علاقہ غاتیٹی جاگہ جاگہ ہلکا پر انا گمان ئِ۔ پی ٹی وی نا رداٹ گدرینگوک آ 24گھنٹہ ٹی اسلام آباد وراولپنڈی ملک انا گیشتر علاقہ غاتیٹی موسم خشک سلیس ولے کوئٹہ ڈویژن اٹی گڑاس ہند آتیا ہلکاپر مس۔ غٹ آن زیات پر نوکنڈی ٹی 02ملی میٹر پر ریکارڈ کننگا وخت اس کہ غٹ آن کم درجہ حرارت کالام اٹی منفی 06 ڈگری سینٹی گریڈ ریکارڈ کننگا۔ بروک آ 24گھنٹہ ٹی اسلام آباد و راولپنڈی تون اوار ملک انا گیشتر علاقہ غاتیٹی موسم ہندن آ ن ہندن سلنگ وخت اس کہ کوئٹہ، ژوب، قلات ڈویژن اٹی جاگہ جاگہ ، مالاکنڈ ، بنوں ، ڈی آئی خان ڈویژن ، فاٹا، گلگت بلتستان و کشمیر اٹی گڑاس ہند آتیا ہورہ و گروک تون پر انا گمان ئِ۔
