بنجائی وزیر اسد عمر نا کماشی ٹی نیشنل کمانڈ اینڈ آپریشن سینٹر اٹی دیوان ءِ حوال

اسلام آباد نا سیکٹر زجی نائن ٹو، جی نائن تھری و کراچی کمپنی ٹی سمارٹ لاک ڈاؤن نا نافذ
اسلام آباد۔ 13 جون (اے پی پی) اسلام آباد نا سیکٹرز جی نائن ٹو، نائن تھری و کراچی کمپنی ٹی سمارٹ لاک ڈاؤن نافذ کننگا۔ کراچی کمپنی مرکز، جی نائن ٹو وجی نائن تھری ٹی دا لاک ڈاؤن داوڑاٹ ڈیزائن کننگاکہ دا دین ءِ ایلو علاقہ غاتے ٹی ترندی اٹ تالان مننگ آن توننگ مرے۔ مچ آ ملک اٹی کوویڈ۔ 19 حالیت و ایس او پی تیا عملدرآمد نا بابت نیشنل کمانڈ اینڈ آپریشن سینٹر اٹی بنجائی وزیر اسد عمر نا کماشی ٹی دیوان اس اڈتننگا۔ این سی او سی نا رداٹ بنجائی و صوبائی حکومت آتا کنڈآن ملک انا چندی بشخ آتے ٹی ہیلتھ گائیڈ لائینز تیا عملدرآمد ءِ پک کننگ کن کارروائی تے برجاتخا۔ ٹیسٹنگ، ٹریسنگ و کورنٹائن حکمت عملی نا رداٹ 308600 نا آبادی کن 1292 ہند آتیا سمارٹ لاک ڈاؤن کننگا۔ دیوان اٹی مچ آ ملک اٹی جاری ایس او پی تا خلاف ورزی تیا کارروائی تیا حوال تننگا۔ تدوک آ بیست ءُ چار گھنٹہ ٹی ایس او پی تا 13 ہزار 116 خلاف ورزی مچ آ ملک اٹی مون آ بس ہراٹی 1 ہزار 541 آن زیات مارکیٹس، دوکان، 33صنعت و 1 ہزار 429 ٹرانسپورٹ گاڈی تے جرمانہ، عارضی بند و وارننگز تننگا۔ اسلام آباد اٹی 44 ہوٹلز 120 دوکان و 7 صنعت آتے ایس اوپی تا 255 خلاف ورزی تیٹی بند کننگا۔ دا دین انا کنٹرول کن بنجائی و صوبائی عہدیداران ٹی ٹی کیو وڑوڈول انا رداٹ خصوصی وڑاٹ کاریم والا جاگہ، صںعتی سیکٹرز، ٹرانسپورٹ،مارکیٹس آتے ٹی ایس او پی تیا عملدرآمد ءِ پک کننگ انگ ءِ۔ ملک اٹی ہم 3 لکھ 8 ہزار 600 والا آبادی آ کل 1 ہزار 292 سمارٹ لاک ڈاؤن نافذ کننگا۔ ہیلتھ گائیڈ لائنز و ایس او پی تیا عملدرآمد کن مچ آ ملک اٹی اسپیشل ٹیم کاریم کننگ ءِ۔ مچ آ ملک آن گائیڈ لائںز آتا خلاف ورزی و داٹی کروک آ آپریشن تا کچ درج ذیل ءِ۔ اسلام آباد اٹی کل 255 خلاف ورزی تیٹی 44 ہوٹلز، دوکان ، و 120 صںعت، 7 دوکان، 22 ورکشاپس و 42 ٹرانسپورٹ گاڈی تا خلاف کارروائی کننگا۔ آزاد کشمیر اٹی کل 1 ہزار 37 خلاف ورزی کننگاہرافتیان 163 مارکیٹ، دوکان و 170گاڈی تے جرمانہ و بند کننگا۔ ہنداوڑ اٹ گلگت بلتستان اٹی 231 خلاف ورزی مون آبس ہرافتے ٹی 37مارکیٹ، دوکان، 15 صںعت، و 83گاڈی تے عارضی سیل و بند کننگا۔ خیبر پختونخوا ٹی 5 ہزار 798 ایس او پی تا خلاف ورزی مون آ بس و 239 مارکیٹس و دوکان و 122 گاڈی تے سیل و عارضی بند کننگا۔ ہنداوڑ پنجاب اٹی 3 ہزار 753 خلاف ورزی تیٹی 820 دوکان، مارکیٹس، 9 صںعت و 776 گاڈی تے عارضی بند و سیل کننگا۔ سندھ اٹی 1 ہزار 306 خلاف ورزی تیٹی 81 مارکیٹس، دوکان اسہ صنعت و 217 گاڈٛی تے عارضی بند وسیل کننگا۔ بلوچستان اٹی ایس او پی تا کل 736 خلاف ورزی مون آ بس ہرافتے ٹی 81 دوکان، مارکیٹس اسہ صنعت و 217 گاڈی تے عارضی بند و سیل کننگا۔ اسلام آباداٹی 60 ہزار آبادی آ 10 جتا جاگہ غاتیا سمارٹ لاک ڈاؤن نافذ کننگا۔ پنجاب اٹی 15 ہزار 200 والا آبادی آ 844 جتا جاگہ غاتیا سمارٹ لاک ڈاؤن کننگا۔ خیبرپختونخوا ٹی 11 ہزار آبادی آ 414 جتا جاگہ غاتیا سمارٹ لاک ڈاؤن خلنگا۔ آزاد کشمیر اٹی 2 لکھ 400 آبادی آ 12 جتا جاگہ غاتیا لاک ڈاؤن نافذ کننگا۔ ہنداوڑاٹ سندھ اٹی 7 ہزار آبادی آ 7 جاگہ غاتیا لاک ڈاؤن خلنگا۔ گلگت بلتستان اٹی 5 جاگہ غاتیا لاک ڈاؤن کننگا۔