صدر آصف علی زرداری ءَ نوکیں آبدوز ہنگور ءِ اولی سوبمندیں لائیو ویپن فائرنگ ءِ سر ءَ پاک بحریہ ءَ  را توسیپ ءُ ستا

اسلام آباد۔27ستمبر  (اے پی پی): صدر آصف علی زرداری ءَ پاک بحریہ ءِ نوکیں آبدوز ’’ہنگور‘‘ ءِ اولی سوبمندیں لائیو ویپن فائرنگ ءِ سر ءَ پاک بحریہ ءَ را شگر ءُ منت درشان کتگ۔ یک شمبے ءِ روچ ءَ صدر گس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ صدر آصف علی زرداری ءَ پاک بحریہ ءِ آپریشنل تیاری ءُ آئی ءِ بحریہ ءِ دفاعی صلاحیت آنی تہ ءَ گیشی ءَ را ساڑاتگ ءُ گوشت کہ پاک بحریہ نوکیں جنگی صلاحیت آنی تہ ءَ لیسیں دمگ ءِ رکھینگ ءُ راجی امن ءِ سیمسر ءِ رکھینگ ءِ تہ ءَ ھاسیں کرد پیلو کنگ ءَ اِنت۔ صدر ءِ مملکت ءَ چیف آف نیول اسٹاف ایڈمرل نوید اشرف ءِ سروکی ءَ پاک بحریہ ءِ آپریشنل تیاری ءَ را ساڑات ءُ بحریہ ءِ دفاعی صلاحیت آنی تہ ءَ گیشی ءَ را ساڑات۔ آئی ءَ گوشت کہ پاکستان ءِ بحریہ ءِ دفاعی توان آنی تہ ءَ گیشی ملک ءِ دریائی سیم سر آنی جوانیں رنگ ءَ رکھینگ ءُ پڑ ءَ امن ءِ برجائی ءِ واستہ پاکستان ءِ جزم ءِ برورد اِنت۔ یات دارگ بہ بیت کہ اے سال ءِ 30 اپریل ءَ آبدوز ءِ پاکستان ءِ دست ءَ دیگ ءِ مراگش ءِ مستریں گامگیجان بوتگ کہ چین ءِ شہر سانیا ءَ برجم دارگ بوتگ۔