بیست ءُ چار گھنٹہ ٹی 4646 پوسکن ءُ کیس، 105 مرک رپورٹ، نیشنل کمانڈ اینڈ آپریشن سینٹر

اسلام آباد۔ 09 جون (اے پی پی) ملک اٹی تدوک آ 24 گھنٹہ ٹی کوروناوائرس نا 4646 پوسکن ءُ کیس، 105 مرک رپورٹ مسنے اوکان پد پک کیس آتا کچ 1،08،317، و مرک آتا کچ 2172 مسنے۔ نیشنل کمانڈ اینڈ آپریشن سینٹر (این سی او سی) نا تازہ انگا اپ ڈیٹ نا رداٹ ملک اٹی کوروناوائرس نا ایکٹیو کیس آتا کچ 71 ہزار 127 مسنے۔ این سی او سی نا رداٹ پنجاب اٹی کوروناوائرس نا کیس آتا کچ غٹ آن زیات 40 ہزار 819 اسکان سرمسنے۔ سندھ اٹی 39 ہزار 555 کوروناکیس رپورٹ مس، خیبر پختونخوا ٹی کیس آتا کچ 14 ہزار 006 و اسلام آباد اٹی 5785 مس۔ بلوچستان اٹی 6788، گلگت بلتستان اٹی 952 کیس رپورٹ مس۔ آزاد کشمیر اٹی کوروناوائرس کیس آتا کچ 412 مس۔ مچ آ ملک اٹی داوخت اسکان 35،015 ناجوڑ پورو وڑاٹ دراخہ جوڑ مسنو۔ این سی او سی نا رداٹ تدوک آ 24 گھنٹہ ٹی 105 مرک مسنے۔ کوروناوائرس آن مرک انا باہ ٹی ہنوک آ بندغ آتا کچ 2172 اسکان سرمس ہرافتے ٹی سندھ اٹی 679، پنجاب اٹی 773، کے پی کے ٹی 587، گلگت بلتستان اٹی 14، آزاد کشمیر اٹی 9، اسلام آباد اٹی 52و بلوچستان اٹی 58 اوار ءُ۔ داوخت اسکان 7 لکھ 30 ہزار 453 بندغ آتا کوروناوائرس کن ٹیسٹ ءِ کننگا۔ تدوک آ 24 گھنٹہ ٹی 24 ہزار 620 بندغ آتا ٹیسٹ ءِ کننگا۔ ملک انا 775 ہسپتال آتے ٹی 5255ناجوڑ درمان مننگ ءُ۔ مچ آ ملک اٹی تروک آ آکسیجن والا کٹ آتا کچ 5137 ءِ۔ کورونانا ناجوڑ آتے کن تروک آ وینٹی لیٹرز آتا کچ 1 ہزار 400 ءِ وخت اس کہ وینٹی لیٹرز آتیا کورونا مریض آتا کچ 322 ءِ۔ داکان بیدس پاکستان نا غٹ شار تیٹی اسہ ہزار آکسیجن والا کٹ آتا فراوانی ءِ بروک آ 20 دے اٹی ہلہلہ ئی بنداو تیا پک کننگ انگ ءِ۔ تانکہ ودکی گرج آتے پورو کننگ مرے۔ ہیلتھ ورکرز و فرنٹ لائن آ ہیروتیکن ہم اسپیشل پیکج نا پڑو ءِ کننگک۔