وزیر ءِ درئی کار شاہ محمود قریشی

امیت شاہ ءِ بیان بے سر ءُ پادین ات، بھار ءَ ارش ءِ ردئی کت گڈا دپ ءِ پروشاں
اسلام آباد ۔ 9 جون (اے پی پی) وزیر ءِ درئی کار شاہ محمود قریشی ءَ گوشت کہ بھارت ءَ ارش ءِ ردئی کت گڈا ایشی ءِ دپ ءَ پروشاں ، بھارت لداخ ءِ سر ءَ سرجیکل اسٹرائیک چیا نہ کنت، بھارت وتی توکی جیڈھ آنی نیمگ ءَ چہ دلگوش ءَ دور کنگ ءِ واستہ پاکستان ءَ را دھمکی دیگ ءَ انت، امیت شاہ ءِ پاکستان ءِ سر ءَ ارش ءِ ھوالگ ئَ بیان بے سر ءُ پادین ات، دگنیا امیت شاہ ءِ بیان ءِ سر ءَ نوٹس بہ زور ایت۔ سئے شمبے ءَ بھارت ءِ نیمگ ءَ بالی ارش کنگ ئِ دھمکی ءِ پد ءَ ترندیں پسو دیان ءَ درشان کت۔ وزیر ءِ درئی کار مخدوم شاہ محمود قریشی ءَ بھارت ءَ را ھبردار کت کہ آ اے رنگیں اھمکی مکنت، پاکستان وتی دیمپانی ءَ جوانی ءَ زانت، امیت شاہ ءَ را گوشگ لوٹاں کہ بھارت ءَ ارش ءِ ردئی کت گڈا آئی دپ پروشگ بیت۔ شاہ محمود قریشی ءَ گوشت کہ بھارت چو تولگ ءِ وڑ ءَ اُلاسگ ءَ بند بکنت، امیت شاہ ءِ مرچگیں بیان بے سر ءُ پادین ات، دگنیا ءَ را امیت شاہ ءِ بیان ءِ سر ءَ نوٹس زورگ لوٹ ایت، وزیر ءِ درئی کار ءَ گوشت کہ پاکستان ءَ مدام ایمنی ءِ گپ جتگ ، وھدیکہ بھارت کودکیں مردم آنی زندمان آنی گوما لیب کنگ ءَ انت۔ میاں اوستمانی دگنیا بھارت ءِ سر ءَ باید انت ایکشن بہ زور ایت۔