این ڈی ایم اے ءَ کورونا وائرس سو موٹو نوٹس کیس ءِ تہ وتی پسو سپریم کورٹ ءِ تہ جم کنائینتگ انت

اسلام آباد ۔ 6 جون (اے پی پی) نیشنل ڈیزاسٹر منیجمنٹ اٹھارتی (این ڈی ایم اے) ءَ کورونا وائرس سوموٹو نوٹس کیس ءِ تہ وتی پسو سپریم کورٹ ءِ تہ جم کنائینت انت۔ھپتگ ءَ سپریم کورٹ ءِ تہ این ڈی ایم اے ءِ نیمگا چہ جم کتگیں پسو ءِ تہ گوشگ بوتگ کہ حکومت ءِ پنت ءُ شون ءِ ردا سرجمیں ملک ءِ تہ کورونا وائرس ءِ گوما دیم دیگ ءِ ھاترا گام چست کنگ بوتگ انت،این ڈی ایم اے ءَ 5 جون ءَ 1473 آئی سی یو وینٹی لیٹرز لوٹارینگ ءِ آرڈر داتگ ات ،341 وینٹی لیٹرز سر بوتگ انت وھدیکہ 245 وینٹی لیٹرز 15 جون تاں سر بہ بنت،30 جولائی تاں دراھیں لوٹائنتگیں وینٹی لیٹرز پاکستان ءَ سر بنت وھدیکہ ودک ءِ 30 پورٹیبل وینٹی لیٹرز ءُ 240 بائی پیپ وینٹی لیٹرز ھم دستیاب بنت،این ڈی ایم اے ءِ نیمگا چہ گوشگ بوتگ کہ سرجمیں ملک ءِ تہ ہمک روچ ءِ کورونا وائرس ٹیسٹ ءِ صلاحیت 30360 تاں سربوتگ انت،پاکستان ءِ تہ کورونا وائرس ءِ ٹیسٹنگ ءِ بود ءِ تہ سد درسد ودکی بوتگ انت،کورونا ٹیسٹ ءِ صلاحیت ءِ تہ ودکی این ڈی ایم اے ءِ نیمگا چہ بہازورگءَ ممکن بوتگ،این ڈی ایم اے ءِ نیمگا چہ سپریم کورٹ ءَ را سرپد کتگ کہ کورونا وائرس ءِ ھلاسی ءِ ھاترا چین ءَ بنجاہی شہر اسلام آباد ءِ تہ 250 بیڈز ءِ آئسولیشن سینٹر جوڈ کنگ ءِ ھاترا 4ملین ڈالرز ءِ کمک کتگ۔پدر بہ بیت کہ کورونا وائرس سوموٹو نوٹس کیس ءِ تہ سپریم کورٹ ءَ بنجاہ ءُ دراھیں صوبائی حکومت ءِ ھوار این ڈی ایم اے ءَ چہ کورونا وائرس ءِ ھلاسی ءِ ھاترا کتگیں گام گیج ءِ دیمروئی رپورٹ لوٹ کتگ ات۔