دری معاملہانی بنجاہی وزیر شاہ محمود قریشی ءِ پاکستان ءِ ھاسیں ایلچی برائے اوگانستان ایمبیسڈر محمد صادق ءِ گوما گپ ءُ تران

اسلام آباد ۔ 6 جون (اے پی پی) دری کارانی بنجاہی وزیر شاہ محمود قریشی ءَ گوشت کہ پاکستان خطہ ءِ تہ امن ءُ ایمنی ءُ گہبودی ءِ ھاترا وتی کرد چکاریں وڈ ءَ ادا کن ایت، افغانستان ءِ تہ سوگو ءِ امن ءُ ایمنی دراھیں خطہ ءِ ھاترا الم انت۔ اے گپ آہاں انوں تعینات بوتگیں پاکستان ءِ ھاسیں ایلچی برائے اوگانستان ایمبیسڈر محمد صادق ءِ گوما گپ ءُ تران کنان ءَ کتگ انت۔آئی ءَ ھپتگ ءَ دری کارانی وزارت ءِ تہ گند ءُنند کتگ۔گپ ءُ تران ءِ درگت ءَ اوگان عمل ءِ ھوار خطہ ءِ گہبودی ءِ ھوالہ ھیال ریچی کنگ بوتگ۔دری کارانی وزیر ءَ گوشت کہ اوگانستان ءِ تہ سوگو ءِ ایمنی ءُ گہبودی سرجمیں دمگ ءِ تعمیر ءُ ترقی ءِ ھاترا الم انت۔۔شاہ محمود قریشی ءَ گوشت کہ پاکستان خطہ ءِ تہ امن ءُ ایمنی ءُ گہبودی ءِ ھاترا وتی کرد سرجمیں وڈ ءَ ادا کن ایت۔دری کارانی وزیر ءَ ایمبیسڈر محمد صادق ءَ راھاسیں ایلچی برائے اوگانستان تعینات بوھگ ءِ سرا مرادباتی ءُ ھاسیں پنت ءُ شون دیان ءَ امیت ءِ درشان کتگ کہ شمے وڈ ءِ تجربہ کار سفارت کار ءِ اے کرشی ءِ سرا تعینات ءَ چہ پاک اوگان سیادی ءَ را گیش مھکم جوڈ کنگ ءِ تہ کمک رسیت۔