اسلام آباد۔ 05 جون (اے پی پی) مچ آ ملک اٹی ملخ آتا برخلاف برجاآُپریشن نا رداٹ تدوک آ 24 گھنٹہ ٹی 3 لکھ 57 ہزار ایکڑ رقبہ نا سروے و 3600 ایکڑ رقبہ غا ملخ آتے تلف کروک آ دوائی تا اسپرے کننگا۔ نیشنل ڈیزاسٹرمینجمنٹ اتھارٹی نا ترجمان نا رداٹ داوخت آ ملک انا 47 ضلع غاتے ٹی ملخ آک اریر۔ بلوچستان نا 33، خیبر پختونخوا9،م پنجاب 3 و سندھ انا 2 ضلع زہمی ءُ۔ بلوچستان اٹی خضدار،آواران، نوشکی، چاغی، گوادر، اوتھل، کیچ، پنجگور، خاران واشک، کوئٹہ غان بیدس ایلو ضلع غاک ہم زہمی ءُ۔ کے پی کے ٹی ڈیرہ اسماعیل خان، ٹانک، قطبی و سویلی وزیرستان ، لکی مروت، کرک ، کرم، پشاور و خیبر نا ضلع غاک زہمی مسنو۔ پنجاب اٹی بھکر، ڈیرہ غازی خان ومیانوالی وخت اس کہ سندھ اٹی نوشہروفیروز وشہید بے نظیر آباد اٹی ملخ آک اریر۔ ترجمان پارے کہ ملخ آتا زہمی علاقہ غاتا سروے و کنٹرول آپریشن برجاءِ۔ 1125 ٹیم لوکسٹ کنٹرول آپریشن اٹی بشخ ہلکر۔ تدوک آ 24 گھنٹہ ٹی 3 لکھ 57 ہزار ایکڑ رقبہ نا سروے مس و 3600 ایکڑ رقبہ نا ملخ آتے تلف کروک آ دوائی ت اسپرے کننگا۔ بلوچستان اٹی 2400 ایکڑ رقبہ و پنجاب اٹی 200 ایکڑ رقبہ غا اسپرے کننگا۔ ہندا وڑ خیبر پختونخوا ٹی 700 ایکڑ رقبہ وخت اس کہ سندھ اٹی 300 ایکڑ رقبہ ٹریٹمنٹ کننگا۔ ہنداوڑ جم وڑاٹ داوخت اسکان مچ آ ملک اٹی 5 لکھ 15 ہزار 600 ایکڑ رقبہ غا اسپرے کننگانے۔
