اسلام آباد۔ 25فروری ( اے پی پی) مزن وزیر ئِ مشیر برائے خارجہ امور سرتاج عزیز ئَ گشتگ انت کہ پاک چین دوستی پاکستانئِ خارجہ پالیسی ئِ بنیات انت، مئے سٹریٹجک کمک ئِ سرا سیادی دمگی امن ئُُ محکمی ئِ ھاتر ئَ محکم بنیات دئیگ ئَ انت، پاکستانیک چین ئِ پالیسی ئِ سرا عمل کنگ ئُُ تائیوان، تبت ئُُ ہانگ کانگ ئِ ھواری ئَ دمگی سلامتی، آجوئی وت واجہی ئِ باروا درستیں معاملہ آنی سرا چین ئِ سرجمی ئَ حمایت کنت۔ اے گپ آئی ئَ چائنیز پیپلز انسٹیٹیوٹ آف فارن افیئرز ئِ ٹولہ ئِ گوں گپ ئُُ تران کنگئَ کرتگ آھاں ہفتگ ئَ ادا سفیر لوشومن ئِ سروکی ئَ آھاں گوں گند ئُُ نند کرت انت۔ ٹولہ ئَ گپ ئُُ تران کنگئَ مشیر خارجہئَ گشتگ کہ پاک چین دوستی پاکستان ئِ خارجہ پالیسی ئِ بنیات انت، دوستی یکجا عزت ئُُ شرپ ئُُ بھروسہ ئِ بروبر انت۔ چینی ٹولہ آئی سی ڈبلیو اے ئِ دعوت ئِ سرا پاکستان ئِ سے روچی تر ئُُ تاب ئَ انت، ٹولہ ئَ پاکستان ئَ ساڑی نا شرکار اُرش ئِ سک زار شانی کرتگ ئُُ نا شرکاری ئُُ شدت پسندی ئِ ھلاپ جنگ ئَ پاکستان ئِ قربانی آں سہڑائینت انت۔ ایڈیشنل سیکرٹری ( ایشیا پیسفک) سید ذوالفقار گردیزی ئَ وزارت خارجہ امور ئِ نیمگئَ ٹولہ ئِ اعزاز ئَ نارشت داتگ۔
