نیشنل کمانڈ اینڈ آپریشن سینٹر ءِ دیوان ءَ کوویڈ-19 ءِ ھوپ ءَ را گر ءُ دار ءِ واستہ ایس او پیز آنی ھلاپ ءَ کاروائی آنی ھوالگ ءَ بریفنگ دیگ بوت
اسلام آباد ۔ 5 جون (اے پی پی) نیشنل کمانڈ اینڈ آپریشن سینٹر (این سی او سی) ءَ کوویڈ-19 ءِ جاور ھال آنی چار ءُ تپاسی گرگ ءِ واستہ یک شلی ءَ گوں جاڑی انت۔ آدینگ ءِ روچ ءَ دیون ءَ را گوشگ بوت کہ این سی او سی ءِ پیسلہ آنی رد ءَ مزن وزیر ءِ فوکل پرسن برائے کویڈ-19 ءِ گر ءُ داسر ڈاکٹر فیصل سلطان ءِ سروکی ءَ ھندی انتظامیہہ ءِ جان سلامتی ءِ شوبگ ءَ کمکار ءُ ضلورت آنی سرجم کنگ ءِ واستہ ھاسیں ٹیمب کراچی ءَ پج اتگ۔ اے ھاسیں ٹیمب ھوپی نادراھی ءِ بلدکار ءُ کلانہ ایں مردم ءُ جان سلامتی ءِ کلانہ آنی انت۔ این سی او سی ءِ ٹیمب ءَ وتی بلدکاری آناں یک شلی ءَ میزبان سول انتظامیہ ءِ گوما شئیر کنت ءُ شوہاز کاری ءَ کمک پجارین ایت۔ فورم ءَ جتا جتائیں صوبگ آنی وسیلگ ءَ ایس او پیز آنی پد ءُ رند آنی سر ءَ چار ءُ تپاسی ھم گپت۔ جتا جتائیں چیف سیکریٹریز آں تاجگیں جاور آنی بابت ءَ فورم ءَ را سرپد کت۔ بلوچستان حکومت ءَ ایس او پیز آنی پد ءُ رند کنگ ءِ رد ءَ 3800 دکان بند کتگ۔ ھاسیں رنگ ءَ میڈیا ءِ وسیلگ ءَ جوانیں سرپدی گامگیج آناں دل یکیمی جوڑ کتگ ءُ کیبل ءِ سر ءَ کلوہ شنگ ءُ تالان کنگ بوتگ۔ ھمے رنگ ءَ اسلام آباد ءَ ایس او پیز آنی پد ءُ رند نہ کنگ ءِ 800 کیس بوتگ۔ 83 مارکیٹ، 22 کارخانہ ، 42 پبلک ٹرانسپوٹ ءِ گاڑی آںاں بند کنگ بوتگ۔ سرجمیں ملک ءِ جتا جتائیں بھر آنی تہ ءَ ٹی ٹی کیو گامگیج ءِ چیر دستی ءَ سمارٹ لاک ڈائون جاڑی انت ایشی ءِ رد ءَ اے وھد ءَ پنجاپ ءَ 1 لکھ 60 ہزار آباتی ءِ 617 سمارٹ لاک ڈائون ، کے پی کے ءَ 9 ہزار 800 ءِ آباتی ءِ 251 سمارٹ لاک ڈائون، آزات کشمیر ءَ 1800 ءِ آباتی ءِ سر ءَ 7 سمارٹ لاک ڈائون ءُ اسلام آباد ءَ 10 ہزار ءِ آباتی ءِ 9 سمارٹ لاک ڈائون چلگ ءَ انت۔
