مزن وزیر عمران خان ءِ سروکی ءَ بجٹ برائے مالی سال 21-2020 ءِ ھوالگ ءَ مزن تکی دیوان

مشیر ءِ ھزانگ ءِ سروکی ءَ حکومتی معاشی ٹیمب ءَ مزن وزیر ءَ را آیوکیں مالی سال ءِ بجٹ ءِ گہتری کار، ھرچ ءُ درچ ءُ اے ھوالگ ءَ سر ڈگاری راستی آناں دیم ءَ ایر کنان ءَ حکومت ءِ اول سرئی کار آناں پکوئیں رنگ دیگ ءِ ھوالگ ءَ گامگیج آنی سر ءَ بریفنگ دات
اسلام آباد ۔ 5 جون (اے پی پی) مزن وزیر عمران خان ءِ سروکی ءَ بجٹ برائے مالی سال 21-2020 ءِ ھوالگ ءَ مزن تکی دیوان ءِ برجم دارگ بوت۔ مزن وزیر کارگس ءِ نیمگ ءَ جاڑی بوتگیں ھال آنی رد ءَ مزن وزیر ءَ دیوان ءَ گشتانک دیان ءَ گوشت کہ کورونا ھوپ ءِ سبب ءَ ھمک تبک ءِ مردم آماچ بوتگ انت ءُ معیشت ءَ را برجا کنگ ءُ دیمروئی ءِ کشک ءَ رھادگ کنگ ءِ کوشست ھم آماچ بوتگ۔ آئی ءَ گوشت کہ اے راستی آنی رد ءَ حکومت ءِ اول سرئی کار انت کہ اے شوبگ آناں ھاسیں رنگ ءَ دیمروئی دیگ بہ بیت۔ ھما شوبگ ءَ کہ ورنا آناں نوکری ءِ موہ رسیت ءُ معاشی کار آناں دیمروئی رسیت۔ مزن وزیر ءَ گیش تران کت ءُ گوشت کہ ” غیر ترقیاقی ” ھرچ ءُ درچ آنی تہ ءَ کمی آرگ ھاسیں رنگ ءَ بے سر ءُ پادیں حکومتی ھرچ ءُ درچ آنی تہ ءَ کمی کنگ استیں حکومت ءِ اول روچ ءَ چہ ترجی داتگیں کار بوتگ۔ مزن وزیر ءَ گوشت کہ استیں جاور ھال آنی رد ءَ اے مول ءُ مراد آناں دیم ءَ جنزینگ وھد ءِ ارزشتی ایں ءُ المیگیں ضلورت انت۔ جتا جتائیں شوبگ آنی تہ ءَ سنسڈیز ءُ حکومت ءِ نیمگ ءَ مالی کمک ءِ پجاری ءَ جیڈھ آنی سر ءَ چار ءُ بچار کنان ءَ مزن وزیر ءَ گوشت کہ حکومت ءِ نیمگگ ءَ داتگیں سبسڈی بُندر ءَ الس ءِ ٹیکس آنی زرّ انت پمے ھاترا ضلورت اے جزم ایگ انت کہ اے پیسہ ءَ را جوانیں رنگ ءَ کارمردی ءَ را دل یکیمی کنگ بہ بیت تانکہ لوٹ کتگیں مول ءُ مراد آنی در جنگ بہ بیت آھودا ھک ھکدار آناں تاں پجارینگ دل یکیمی بوت بکنت۔ مزن وزیر ءَ گوشت کہ استیں معاشی جاور اے گپ ءِ درور انت کہ دیمروئی یے گام گیش ترند کنگ بہ بنت تانکہ بے سر ءُ پادیں بار کم بوت بکن انت ءُ آواناں ریلیف پجاری کنگ بہ بیت۔ مشیر ءِ ھزانگ ءِ سروکی ءَ حکومتی معاشی ٹیمب ءَ مزن وزیر ءَ را آیوکیں مالی سال ءِ بجٹ ءِ گہتری کار، ھرچ ءُ درچ ءُ اے ھوالگ ءَ سر ڈگاری راستی آناں دیم ءَ ایر کنان ءَ حکومت ءِ اول سرئی کار آناں پکوئیں رنگ دیگ ءِ ھوالگ ءَ گامگیج آنی سر ءَ بریفنگ دات۔