احساس ایمرجنسی کیش پروگرام ءِ چیر دستی ءَ 97 لکھ 2 ہزار مردم آناں 117 ارب 96 کروڑ کلدار بھر ءُ بانگ

اسلام آباد ۔ 5 جون (اے پی پی) احساس ایمرجنسی کیش پروگرام ءِ چیر دستی ءَ سرجمیں ملک ءَ کلی 97 لکھ 2 ہزار ءَ چہ گیش مردم آناں 117 ارب 96 کروڑ کلدار ءَ چہ گیش بھر ءُ بانگ کنگ بوتگ۔ پنجاپ ءَ 41 لکھ 72 ہزار مردم آناں 50 ارب 65 کروڑ ءَ چہ گیش زرّ بھر ءُ بانگ کنگ بوتگ۔ سندھ ءَ 29 لکھ 70 ہزار ءَ چہ مردم آناں 35 ارب 87 کروڑ کلدار ءَچہ گیش بھر ءُ بانگ کنگ بوتگ۔ خیبر پختونخوا ءَ 18 لکھ 21 ہزار ءَ چہ گیش مردم آناں 22 ارب 38 کروڑ کلدار ءَ چہ گیش بھر ءُ بانگ کنگ بوتگ۔ بلوچستان ءَ 4 لکھ 62 ہزار ءَ چہ گیش مردم آناں 5 ارب 64 کروڑ کلدار ءَ چہ گیش بھر ءُ بانگ کنگ بوتگ۔ آزات کشمیر ءَ یک لکھ 68 ہزار ءَ چہ گیش مردم آناں 2 ارب 8 کروڑ ءَ چہ گیش زرّ بھر ءُ بانگ کنگ بوتگ۔ گلگت بلتستان ءَ 68 ہزار ءَ چہ گیش مردم آناں 85 کروڑ کلدار ءَ چہ گیش بھر ءُ بانگ کنگ بوتگ۔ اسلام آباد ءَ 38 ہزار ءَ چہ گیش مردم آناں 46 کروڑ کلدار ءَ چہ گیش زرّ بھر ءُ بانگ کنگ بوتگ۔ احساس ایمرجنسی کیش پروگرام ءِ چیر دستی ءَ زرّباری ءُ گوریچانی وزیرستان ءَ اولی رند ءَ احساس ایمرجنسی کیش ءِ بھر ءُ بانگ کنگ ءِ بنگیج بوتگ۔ ترجمان ءِ رد ءَ ھما مردم آناں زرّ دیگ ءِ ساھت ءَ بائیومیٹرک ءِ ایشو پیداک انت آواناں نادرا کارگس ءَ روان دیگ نہ بوھگ ءَ انت آواناں سیادی داروکیں نامینتگیں بینک آنی تہ ءَ زرّ دیگ بوھگ ءَ انت۔ پنجاپ ، سندھ ءُ بلوچستان ءَ حبیب بینک ، خیبر پختونخوا ، گلگت بلتستان ءُ آزات جموں کشمیر ءَ بینک الفلاح آسراتی پجارین ایت۔ اے وڑیں مردم آنی ھاترا مالی کمک ءِ دزگیر کنگ ءِ واستہ 8171 ءِ سر ءَ دووارگ ایس ایم ایس روان دیگ بیت۔ کلوہ ءِ تہ ءَ بینک ءِ نام ڈس ءُ نشان درج بیت۔ ایس ایم ایس رسگ ءَ چہ پد سیادی داروکیں بینک آں گوں نزیکی کنگ بیت کنت۔ زرّ دست گرگ ءِ ساھت ءَ آسانی ءِ واستہ شناختی کارڈ ءُ موبائل ءَ وتی ھمبراھی ءَ بیار اِت۔