اسلام آباد۔ 04 جون (اے پی پی) وزیراعظم عمران خان کورونانا برخلاف جنگ اٹی ڈاکٹرز و ہیلتھ کیئر اسٹاف نا خذمت آتے خراج تحسین پیش کرسا پارینے کہ مچ آ قوم ڈاکٹرز و ہیلتھ کیئر اسٹاف ءِ خراج تحسین پیش کیک،مستین اٹی جان جوڑی نا بشخ ءِ گوجالنگا ہرانا سوب آن لس بندغ ءِ جان جوڑی نا آب اٹ آسراتی اسکان رسینگ اٹی مشکلات مون تروک ءِ۔ اوداخیال آتا درشانی ءِ انصاف ڈاکٹرز فورم (آئی ڈی ایف) نا ڈل اتون گپ وتران کرسا کرے ہرافک داڑے اوڑتون اوڑدہی کریر۔ ڈل اٹی ڈاکٹر مدیر خان، ڈاکٹر سعید مصطفیٰ، ڈاکٹر جواد واصف، ڈاکٹر عاصم رضوی، ڈاکٹر سجاد، ڈاکٹر محسن رانجھا وایلوفک اوار ئسر۔ اوڑدہی ٹی ملک اٹی کورونانا حالیت، توننگ نا بابت حکومتی حکمت عملی و دابابت خاص کر ملکی ڈاکٹرز و ہیلتھ کیئر اسٹاف نا کڑد آ ہیت وگپ کننگا، داکان بیدس جان جوڑی نا بشخ اٹی ساڑی آحکومت نا کنڈآن درستی راستی کرفوک آ اصلاحات آہم گپ وتران کننگا۔ آئی ڈی ایف نا کنڈآن جان جوڑی نا بشخ اٹی ساڑی حکومت نا کنڈآن کروک آ اصلاحات آتیا پورو پت انا درشانی ءِ کننگا۔ وزیراعظم ڈل اتون ہیت وگپ کرسا پارے کہ کورونانا برخلاف جنگ اٹی ڈاکٹرز و ہیلتھ کیئر اسٹاف نا خذمت آک ستاکڑزرہ و مچ آ وم اوفتے خراج تحسین پیش کیک۔ اوپارے کہ مستین اٹی ہیلتھ سیکٹر ءِ گوجالنگا ہرانا سوب آن لس بندغ ءِ جان جوڑی ناآب اٹ آسراتی تسکان رسینگ اٹ مشکلات مون تروک ءِ ۔ وزیراعظم پارے کہ ساڑی حکومت نا کنڈآن جان جوڑی نا بشخ اٹی درستی راستی کرفوک آ اصلاحات نا مسخت ملک اٹی جان جوڑی نا آسراتی تے گچین کننگ، الس ءِ آب اٹ آسراتی تا فراوانی ءِ پک کننگ و نظام اٹی ساڑی خامی تا اصلاح ءِ۔ آئی ڈی ایف نا کنڈآن وزیرستان اٹی ہسپتال نا جوڑ کننگ نا سلاہ غاہیت کرسا وزیراعظم پارے کہ جان جوڑی نا بشخ اٹی اصلاحات کن جوڑ ٹاسک فورس دا سلاہ غا سجفک۔
