اسلام آباد۔ 04 جون (اے پی پی) نیشنل ڈیزاسٹرمینجمنٹ اتھارٹی نا کنڈآن کورونانا دین اتون مون تننگ کن صوبہ غاک، اسلام آباد، آزاد کشمیر و گلگت بلتستان ءِ 63 آئی سی یو وینٹی لیٹرز، 63 بائی پیپ و 60 ایکسرامشین فراوان کننگانے۔ پنچ شنبے نادے آترجمان این ڈی ایم اے نا رداٹ پنجاب ءِ 26، 26 آئی سی یو وینٹیلیٹرز و بائی پیپ تننگانے۔ پنجاب اٹی لاہور و راولپنڈی کن دہ دہ و ملتان کن شش شش آئی سی یو وینٹیلیٹرز و بائی پیپ جتا کننگانے۔ سندھ ءِ شانزدہ شانزدہ آئی سی یو وینٹیلیٹرز و بائی پیپ فراوان کننگا۔ سندھ اٹی کراچی کن دہ دہ و سکھر کن شش شش آئی سی یو وینٹیلیٹرز و بائی پیپ جتا کننگانے۔ ہنداوڑ خیبرپختونخوا ءِ ہم 16آئی سی یو وینٹیلیٹرز و بائی پیپ جاری کننگانے۔ پشاور کن دہ دہ و ایبٹ آباد کن شش شش وینٹی لیٹرز و بائی پیپ تننگا۔ ترجمان نا رداٹ ہر چار آ صوبہ غاتے 10، 10 ایکسرا مشین ہم فراوان کننگا۔ آزاد کشمیر، گلگت بلتستان ءِ ہم پنچ پنچ ایکسرا مشین فراوان کننگا۔ ترجمان پارے کہ اسلام آباد پولی کلینک ءِ 5 آئی سی یو وینٹی لیٹرز و 5 بائی پیپ تننگانے۔ پمز و پولی کلینک ءِ 5، 5 ایکسرا مشین ہم فراوان کننگانے۔
